30.08.2026 | 23:44
Վաղարշապատում կինը դանակահարել է 43-ամյա տղամարդուն․ նա մահացել է. ՆԳՆ
Կորոնավիրուսի պատճառով ԱԺ-ն մինչև հունիս չեղարկել է բոլոր գործուղումները
27.03.2020 | 11:37
Կորոնավիրուսով պայմանավորված՝ Հայաստանի Ազգային ժողովը չեղարկել է օտարերկրյա բոլոր գործուղումները, որոնք նախատեսված էին մինչ այս տարվա հունիս ամիսը:
Այս մասին Factor.am-ի հարցին ի պատասխան ասաց ԱԺ աշխատակազմի ղեկավարի տեղակալ Լիլիթ Մինասյանը:
«Գործուղումների 99.9 տոկոսը չեղարկված է: Չունենք այնպիսի գործուղում, որ գիտենք՝ ապագայում լինելու է: Խորհրդարանական այն վեհաժողովները և այն տարեկան միջոցառումները, որոնք որ պլանավորված էին մեզ հրավիրող կողմից, չեղարկվել են այնտեղից: Մեր կողմից էլ չեղարկվել են բոլոր ընդունելությունները»,- ասաց նա:
ԱԺ աշխատակազմի ղեկավարի տեղակալը նշեց, որ գործուղումների չեղարկումների արդյունքում որոշակի գումար կտնտեսվի: Իսկ թե որքան՝ ասաց՝ այս պահին դեռ հաշվարկներ արված չեն:
Նարեկ Կիրակոսյան
