23.06.2026 | 18:14
Ասացի` զբաղվիր քո գործերով. Ավետիսյանը` իր և Անի Խաչատրյանի միջադեպի մասին․ ՏԵՍԱՆՅՈՒԹ
Դատարկ փողոցներ ու փակ խանութներ․ ինչպիսի՞ իրավիճակ է Գյումրիում․ ԼՈՒՍԱՆԿԱՐՆԵՐ
26.03.2020 | 19:58
Հայաստանում արտակարգ դրության պարետ, փոխվարչապետ Տիգրան Ավինյանի որոշմամբ երկրում գործում են մարդկանց տեղաշարժի վերաբերյալ սահմանափակումներ։ Այս օրերին Գյումրիի փողոցները ևս գրեթե դատարկ են։ Անգամ քաղաքի ամենաբանուկ փողոցները, որոնք միշտ մարդաշատ էին, այսօր կիսադատարկ են, դրսում գտնվողներին կարելի է մատների վրա հաշվել։ Նրանք էլ հիմնականում այցելում են մթերային խանութներ ու դեղատներ։ Որոշ մարդկանց էլ կարելի է հանդիպել բանկերում։
Աշխատում է հասարակական տրանսպորտը, սակայն կանգառներում մարդիկ գրեթե չկան։
Նախորդ օրերին գործող հագուստի, էլեկտրատեխնիկայի խանութներն արդեն փակ են, շարունակում են փակ մնալ սրճարանները։
Հետևելով տեղաշարժի սահմանափակման որոշմանը՝ գյումրեցիները մնում են տանը։ Ճանապարհային ոստիկանության մեքենաներն էլ շրջում են փողոցներում ու քաղաքացիներին հիշեցնում տանը մնալու անհրաժեշտության մասին։
Հիշեցնենք, որ տեղաշարժի սահմանափակումը կտևի մինչև մարտի 31-ը։
Էմմա Չոբանյան
