04.07.2026 | 13:33
Հայաստանը ձգտում է արհեստական բանականությունը դարձնել տնտեսական աճի շարժիչ ուժ․ Մխիթար Հայրապետյանի հարցազրույցը Apolitical-ին
Հիմա ժամանակն է՝ դիմենք, ԵՏՄ շրջանակում գազի գինը իջեցնեն․ Միքայել Մելքումյան. ՏԵՍԱՆՅՈՒԹ
Տնտեսություն
24.03.2020 | 13:11
Ժամանակն է, որպեսզի ՀՀ կառավարությունը սկսի բանակցությունները գազի գնի իջեցման վերաբերյալ։ Այս մասին ԱԺ նիստում հայտարարեց «Բարգավաճ Հայաստան» խմբակցության պատգամավոր Միքայել Մելքումյանը՝ դիմելով Կառավարության ներկայացուցիչներին։
«Աշխարհում նավթի գները կտրուկ իջնում են, սրանով կոչ եմ անում Կառավարության մեր բանակցողներին, չնայած մենք մի ուրիշ նախագծի հետ կապված ռիսկեր էինք տեսնում, որ գազի գինը կարող է փոխվել, բայց հիմա ժամանակն է, որպեսզի դիմենք, ԵՏՄ շրջանակում գազ ներկրող ընկերությունները գազի գինն իջեցնեն սահմանի վրա»,- նշեց նա:
Ի պատասխան՝ տարածքային կառավարման և ենթակառուցվածքների նախարարի տեղակալ Հակոբ Վարդանյանը նշեց. «Որոշ երկրներում, օրինակ՝ եվրոպական երկրներում, գազի գինը փոխկապակցված է նավթի գնի հետ, բայց մեզ մոտ ձևավորվող գինը փոխկապակցված չէ։ Իհարկե, եթե էներգակիրները սկսեն աշխարհում էժանանալ, մեր գերատեսչությունը ևս կսկսի բանակցությունները ավելի էժան գազ ներկրելու վերաբերյալ»:
Մանրամասները՝ տեսանյութում:
