Գյումրին մնացել է առանց զբոսաշրջիկների. հյուրանոցներն ու հյուրատները այցելուներ չունեն

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Հայաստանում արտակարգ դրություն հայտարարելուց մեկ շաբաթ անց Գյումրիում մեծ փոփոխություններ չկան. սրճարանների մեծ մասը փակ է, իսկ մթերային խանութները շարունակում են աշխատել։ Ի տարբերություն նախորդ օրերի՝  հագուստի փակ խանութներից շատերը վերաբացվել են, փողոցներում մարդկանց թիվը՝ փոքր-ինչ ավելացել։

Արտակարգ դրությամբ պայմանավորված՝ մեծ վնասներ է կրում հատկապես Գյումրիի տուրիստական բիզնեսը. քաղաքի հյուրանոցներն ու հյուրատները այցելուներ չունեն, շատ այցելուներ ունեցող պատմական հին փողոցներն ու տեսարժան վայրերն առանց զբոսաշրջիկների են մնացել:

Նախորդ տարվանից Գյումրին սկսեց գրավիչ զբոսաշրջային ուղղության վերածվել ոչ միայն հայաստանցիների, այլև օտարերկրացիների համար։ Այսօր, սակայն, կորոնավիրուսի տարածման վտանգի, ավիաթռիչքների հետաձգման պատճառով քաղաքը մնացել է առանց զբոսաշրջիկների։

«Միջազգային տուրիստների համար մուտք չկա ընդհանրապես: Մինչև արտակարգ դրություն սահմանելը դեռևս կային, անգամ Ռուսաստանից տուրիստներ ենք ունեցել, որ հետաքրքրվել են, բայց չեն կարողացել ժամանել՝ թռիչքները չեղարկելու պատճառով»,- Factor.am-ի հետ զրույցում ասաց Գյումրիի «Բեռլին Արտ» հյուրանոցի աշխատակցուհի Լուսինե Մանուկյանը։

Նա հավելեց, որ մարտ և ապրիլ ամիսներին Գյումրիում և Շիրակի մարզում, ընդհանրապես, տուրիստական մեծ հոսք չի եղել, բայց նման իրավիճակ էլ չի եղել։

«Հայաստանում, հատկապես այս ամիսներին, ներքին տուրիզմի բում չի արձանագրվել, բայց, ամեն դեպքում, էլի շարժը քիչ չէր, իսկ այս պահի դրությամբ հյուրանոցում մարդ չկա։ Գալուց հիմնականում պիտի գային Երևանից, իսկ այս պահի դրությամբ Երևանն առավել վտանգավոր տարածքներից է։ Այնպես, որ տուրիստներ չկան»,- նշեց Լուսինե Մանուկյանը:

Հյուրանոցը, ամեն դեպքում, շարունակում է գործել, սակայն սահմանափակ թվով աշխատակիցներով:

«Ամբողջությամբ չենք փակվում, հույսը չենք կտրում: Բացի այդ՝ տուրիստական սեզոնի փոփոխություններ լինում են, և մենք չենք կարող հեռահար աշխատել: Հնարավոր է՝ ունենանք այցելուներ, որոնք, խիստ անհրաժեշտությունից ելնելով, գան աշխատանքային այցով: Կամ նաև մարդիկ, որ վստահ են՝ խնդիր չունեն և ուզում են գալ Գյումրի: Բայց դա, իհարկե, շատ քիչ տոկոս կկազմի»,- ասաց Լուսինե Մանուկյանը:

Հիշեցնենք, որ կորոնավիրուսի տարածումը կանխելու նպատակով Հայաստանում մարտի 16-ից ապրիլի 14-ը արտակարգ դրության ռեժիմ է հայտարարված։

Էմմա Չոբանյան