13.07.2026 | 19:41
Իսրայելը կասեցրել է Հայոց ցեղասպանության ճանաչման վերաբերյալ խորհրդարանական քվեարկությունը
Օրթոպեդիայի հիվանդանոցի շենքի մի հատված ևս կծառայի կորոնավիրուսով վարակված հիվանդների
22.03.2020 | 16:09
Հայաստանում որոշ բժշկական կենտրոններ հարմարեցվում են կորոնովիրուսով վարակված քաղաքացիներին բուժելու պայմաններին: Այս մասին մարտի 21-ին իր ֆեյսբուքյան էջի ուղիղ եթերի միջոցով տեղեկացրել էր նաև առողջապահության նախարար Արսեն Թորոսյանը:
«Ուզում եմ տեղեկացնել, քանի որ հաստատված դեպքերի աճ ունենք, «Նորքի» հիվանդանոցը միակը չէ այլևս, որտեղ մեր քաղաքացիները բուժում են ստանում կամ գտնվում են, եթե բուժման կարիք չկա: Մարզային երկու հիմնարկում կան քիչ թվով պացիենտներ: Սա շարունակական գործընթաց է լինելու, հիվանդանոցների թիվը, միգուցե, աճի: Այլ հիվանդանոցներ գնում են այն քաղաքացիները, որոնք ոչ մի սիպտոմ չունեն, իսկ նրանք, ովքեր ունեն սիպտոմներ, շարունակում են մնալ «Նորքի» ինֆեկցիոն հիվանդանոցում»,- մասնավորապես ասել էր նախարարը:
Factor.am-ին հայտնի դարձավ, որ կորոնավիրուսով վարակված քաղաքացիների բուժման համար օգտագործվելու է նաև Երևանում գտնվող Վնասվածքաբանության և օրթոպեդիայի գիտական կենտրոնի շենքը: Այս տեղեկությունների վերաբերյալ առողջապահության նախարար Ալինա Նիկողոսյանը Factor.am-ին փոխանցեց. «Ընդհանրապես ծավալումներ լինում են»:
Հիշեցնենք, որ երեկ էլ գրել էինք, որ որոշ հիվանդների տեղափոխել են Գյումրու ինֆեկցիոն հիվանդանոց:
Նարեկ Կիրակոսյան
