02.04.2026 | 15:26
Իրանի նախկին արտգործնախարար Քամալ Խարազին ծանր վիրավորվել է իր տանը հարվածների հետևանքով
Որոշ հիվանդների տեղափոխել են Գյումրու ինֆեկցիոն հիվանդանոց
21.03.2020 | 20:20
Կորոնավիրուսով վարակված որոշ հիվանդների տեղափոխել են Գյումրու ինֆեկցիոն հիվանդանոց:
Այս տեղեկությունների վերաբերյալ առողջապահության նախարարի մամուլի խոսնակ Ալինա Նիկողոսյանը Factor.am-ին փոխանցեց. «Հայաստանի բոլոր ինֆեկցիոն հիվանդանոցներում էլ տարբեր հիվանդներ բուժում են ստանում, այդ թվում նաև կորոնավիրուսով: Տարածաշրջանների չենք բաժանում: Հայաստանում տարածում ունի և հնարավոր է, որ բոլոր տեղում էլ լինեն հիվանդներ»:
Նշենք, որ առողջապահության նախարար Արսեն Թորոսյանը ևս իր ֆեյսբուքյան ուղիղ եթերի ժամանակ տեղեկացրել էր, որ Նորքի ինֆեկցիոն հիվանդանոցը միակ բուժհաստատությունը չէ որտեղ, որ բուժում են ստանում քաղաքացիները:
«Ուզում եմ տեղեկացնել, քանի որ հաստատված դեպքերի աճ ունենք, Նորքի հիվանդանոցը միակը չէ այլևս, որտեղ մեր քաղաքացիները բուժում են ստանում կամ գտնվում են, եթե բուժման կարիք չկա: Մարզային երկու հիմարկում կան քիչ թվով պացիենտներ: Սա շարունակական գործընթաց է լինելու, հիվանդանոցների թիվը, միգուցե, աճի: Այլ հիվանդնաոցներ գնում են այն քաղաքացիները որոնք ոչ մի սիպտոմներ չունեն, իսկ նրանք, ովքեր ունեն սիպտոմներ, շարունակում են մնալ Նորքի ինֆեկցիոն հիվանդնանոցում»,- մասնավորապես ասել էր նախարարը:
Նարեկ Կիրակոսյան
