«Ասացին այնպես չէ, որ եթե չստորագրեք՝ աշխատավարձ ստանալու եք». մանրամասներ «ՍԱՍ ԳՐՈՒՊ»-ում տեղի ունեցած ժողովից

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Հանրապետական խմբակցության նախկին պատգամավոր, գործարար Արտակ Սարգսյանին պատկանող «ՍԱՍ գրուպ»-ի աշխատակիցներին պարտադրում են դիմում գրել և չվճարվող արձակուրդի մեկնել: Այսօր ամբողջ օրվա ընթացքում Factor.am-ի խմբագրություն են ահազանգել «ՍԱՍ գրուպ»-ի մաս կազմող NEXT հագուստի խանութի մասնաճյուղի մի քանի աշխատակիցներ և տեղեկացրել խնդրի մասին: NEXT խանութի երկու մասնաճյուղեր տեղակայված են «Երևան» և «Դալմա» մոլերում, որոնք համաճարակով պայմանավորված՝ ժամանակավորապես դադարեցրել են աշխատանքները:

«Խնդիրն այն է, որ այս պահին ես իմ կամքով չէ, որ տանն եմ:  Խանութը չի աշխատում, հետևաբար մենք էլ տանն ենք: Գրասենյակը պարտադրում է, որ ներկայանանք և դիմում գրենք, որ մենք մեր կամքով,  մեր հաշվին գնում ենք արձակուրդ: Այսինքն՝ չենք վճարվելու, իսկ այդ չվճարվելը լինելու է անհայտ ժամանակով, քանի որ պարզ չի, թե որքան ժամանակով փակ կլինի խանութը: Արտակարգ դրությունը հայտարարվել է երեսուն օրով և չի բացառվում, որ այդքան էլ փակ լինի, իսկ իրենք այդքան էլ չեն պատրաստվում մեզ վճարել»,- ասաց աշխատակիցներից մեկը:

Արտակ Սարգսյանի ընկերության աշխատակիցները, որոնք բարձրաձայնում են աշխատանքային իրավունքների խախտումների մասին, Factor.am-ին փոխանցեցին, որ այսօր «ՍԱՍ գրուպ»-ի գլխամասային գրասենյակում ժողով է եղել, աշխատակիցներին հրավիրել են և պարտադրել դիմումներ գրել՝ չվճարվող արձակուրդի գնալու համար:

«Հանդիպման ժամանակ ոչ մեկս չստորագրեցինք: Մեզ ասացին՝ այնպես չէ, որ եթե չստորագրեք, աշխատավարձ ստանալու եք»,- ասաց  «ՍԱՍ գրուպ»-ի աշխատակիցը:

Factor.am-ին ամբողջ օրվա ընթացքում չհաջողվեց կապ հաստատել «ՍԱՍ գրուպ»-ի մարդկային ռեսուրսների, PR-ի և վարչական  բաժինների հետ: Մեր զանգերն անպատասխան մնացին: Մեզ հաջողվեց կապ հաստատել միայն «Երևան մոլում» տեղակայված NEXT խանութի տնօրեն Հակոբ Գրիգորյանի հետ: Վերջինս, սակայն, նշեց, որ նման պահանջ չկա և առաջարկեց այլ մանրամասներ ստանալ գլխամասային գրասենյակից:

«ԱՍԱ գրուպ»-ի որոշ աշխատակիցների հարկադիր արձակուրդի ուղարկելու հարցը այսօր ֆեյսբուք սոցալական ցանցի քննարկվող թեմաներից մեկն էր: Լրագրողներից մեկի գրառման տակ խնդրին անդրադարձել է նաև ԱԺ «Իմ քայլը» խմբակցության անդամ Հերիքնազ Տիգրանյանը:

«Խնդրում եմ ընդունեք ի գիտություն, որ շուտով կառավարության կողմից կլինի հարցի օրենսդրական կարգավորումը, իսկ մինչ այդ աշխատողներին հորդորում ենք դիմումներ չգրել իրենց հաշվին արձակուրդ գնալու մասին: Եթե գործատուն չի կարող ապահովել աշխատանքի հեռավար կազմակերպումը, ապա իրավունք չունի ազատման սպառնալիքով աշխատողին ուղարկել չվճարվող արձակուրդ»,- գրել է պատգամավորը:

Երեկ պարետատանը հրավիրված մամուլի ասուլիսի ժամանակ խնդրին անդրադարձել էր նաև ՊԵԿ նախագահը: Դավիթ Անանյանը հանդիպմանը հայտնեց, որ կորոնավիրուսով պայմանավորված պարապուրդի օրերի համար գործատուն պարտավոր է աշխատավարձ վճարել աշխատողին:

«Եթե աշխատանքի չներկայանալը տեղի է ունեցել գործատուի որոշմամբ, ապա այդ դեպքում գործատուն պարտավոր է պահպանել աշխատողի վարձատրությունը»,- ասաց ՊԵԿ նախագահը։

Իսկ եթե գործատուն հրաժարվում է վճարել, ՊԵԿ նախագահը նման դեպքում խորհուրդ է տալիս դիմել Առողջության ու աշխատանքի տեսչական մարմին՝ հիշեցնելով, որ աշխատողի իրավունքների պաշտպանությունն այդ պետական մարմնի իրավասության ներքո է։

Ի դեպ, նշենք, որ Աշխատանքային օրենսգրքի 186-րդ հոդվածը սահմանում է  ոչ աշխատողի մեքով առաջացած պարապուրդի վճարման կարգը:

«Եթե ոչ աշխատողի մեղքով պարապուրդի ժամանակ աշխատողին չի առաջարկվում նրա մասնագիտությանը, որակավորմանը համապատասխանող այլ աշխատանք, որը նա կարող էր կատարել առանց իր առողջությանը վնաս պատճառելու, ապա աշխատողին պարապուրդի յուրաքանչյուր ժամվա համար վճարվում է մինչև պարապուրդը նրա միջին ժամային աշխատավարձի երկու երրորդի չափով, սակայն ոչ պակաս, քան օրենսդրությամբ սահմանված նվազագույն ժամային դրույքաչափը»,- ասաված է օրենսգրքում:

Նարեկ Կիրակոսյան