16.03.2026 | 10:53
Սյունիքի նախկին մարզպետը դատի է տվել ՔՊ-ական Արմեն Խաչատրյանին` ֆեյսբուքյան գրառման համար․ նա 1 մլն դրամ է պահանջում
Կառավարությունը հատուկ դրամագլուխ է նախատեսում որոշ կազմակերպությունների համար. նախարար
Տնտեսություն
19.03.2020 | 20:29
Էկոնոմիկայի նախարար Տիգրան Խաչատրյանն այսօր հրավիրված ասուլիսում ներկայացրեց այն երեք ուղղությունները, որոնցով Կառավարությունը փորձելու է հաղթահարել ստեղծված տնտեսական իրավիճակը։
«Մենք ունենք հստակ նպատակ՝ զգալի ֆինանսական աջակցություն ցուցաբերել այն տնտեսվարողներին, որոնք ունեն դժվարին պայմաններ ստեղծված իրավիճակի պատճառով, բայց ունեն նաև ծրագիր, թե ինչպես են մտադիր հաղթահարել այդ դժվարությունները»,- նշեց նախարարը։
Երկրորդ ուղղությունը, ըստ նրա, այն գործողություններն են, որոնք ուղղված կլինեն առավել խոցելի վիճակում հայտնված մարդկանց, այն աշխատակիցներին, որոնք երեկ ունեին աշխատանք, բայց հնարավոր է՝ վաղը ունենան դժվարություններ աշխատանքը ժամանակավորապես կորցնելու պատճառով։
«Եվ երրորդ՝ երբ մենք արդեն այս դժվարին ժամանակը անցած կլինենք, քիչ թե շատ կայուն միջավայրու կկարողանանք մտածել մեր զարգացման պլանների մասին, կառավարությունը հատուկ դրամագլուխ է մախատեսում տրամադրել այն կազմակերպությունների համար, ովքեր կձևակերպեն իրենց տեսակետները իրենց զարգացման ծրագրերի առնչությամբ և կդիմեն կառավարությանը աջակցություն ստանալու համար,- հավելեց Տիգրան Խաչատրյանը:
Մանրամասները՝ տեսանյութում:
