05.04.2026 | 17:21
Կալինինգրադում առևտրի կենտրոնում բռնկված հրդեհի տարածքը հասել է 1000 քառակուսի մետրի
Չեմ ինքնամեկուսացել, պաշտոնյաները հիմա չպետք է լիարժեք ինքնամեկուսանան. Անի Սամսոնյան
Քաղաքականություն
19.03.2020 | 16:20
Վարչապետ Նիկոլ Փաշինյանը, առողջապահության նախարար Արսեն Թորոսյանն ու պատկան մարմինները հորդորում են կորոնավիրուսի տարածման այս օրերին մնալ տանը, ինքնամեկուսանալ։
Factor.am-ն այս հարցի շուրջ մեկնաբանություն խնդրեց ԱԺ «Լուսավոր Հայաստան» խմբակցության պատգամավոր Անի Սամսոնյանից։ Պատգամավորն ասաց՝ չի ինքնամեկուսացել, գնում է Ազգային ժողով՝ աշխատանքի:
«Քանի որ արտակարգ դրության ռեժիմը չի ենթադրում պետական համակարգի աշխատանքի դադարեցում, պահպանելով կանխարգելիչ և հակահամաճարակային կանոնները՝ ես աշխատանքի եմ գալիս, որովհետև հաջորդ շաբաթ նստաշրջան է, և խորհրդարանում հանձնաժողովի աշխատանքները բնականոն կերպով ընթանում են»,- նշեց նա:
Բացի այդ, նրա խոսքով, իրավիճակի հետ կապված քաղաքացիներից դիմումներ է ստանում, որոնց ընթացք տալու համար անհրաժեշտ է խորհրդարանում աշխատել:
«Չեմ կարծում, որ պաշտոնյաները պիտի լիարժեք ինքնամեկուսանան, որովհետև երկրում արտակարգ դրություն է, և մենք յուրաքանչյուրս ունենք մեր պատասխանատվության բաժինը՝ բացառությամբ, իհարկե, այն պաշտոնյաների, որոնք կարող են ունենալ առողջական խնդիրներ»,- ասաց Անի Սամսոնյանը:
Մերի Մարտիրոսյան
