Վարորդից մինչև սնունդ մատակարարող, թարգմանիչ ու թեժ գծի զանգերին պատասխանող․ ինչպե՞ս է կազմակերպվում կամավորների աշխատանքը

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Առողջապահության նախարարությունում երկուշաբթի՝ մարտի 16-ին, Առողջապահության նախարարությունը հայտարարեց կամավորների հավաքագրում՝ կորոնավիրուսայինն հիվանդության դեմ պայքարի նպատակով։ Ընդամենը մեկ օր անց՝ կամավոր դառնալու ցանկությամբ Առողջապահության նախարարություն է դիմել 3000 կամավոր։ Եվս 2000 կամավոր առաջարկել է վարչապետի տիկին Աննա Հակոբյանը։

Ընդհանուր թվով՝ այս պահին 5000 կամավոր կա։ Այս մասին Factor.am-ի հետ զրույցում նշեց ԱՆ խոսնակ Ալինա Նիկողոսյանը։

«Այժմ կամավորների հետ աշխատանքներ են տարվում։ Կան արդեն գրանցված կամավորներ, որոնք մյուս կամավորներին հրավիրում են աշխատանքի։ Այդ ամենը կազմակերպվում է առցանց, որպեսզի մեկ տեղում այդքան մարդիկ չլինեն։ Հրավերն արվում է, և երբ հետադարձ պատասխան է ստացվում, որ կամավորը պատրաստ է աշխատել, գործընթացը կազմակերպվում է»,- ասաց ԱՆ խոսնակը։

Factor.am-ի հարցին, թե ինչպե՞ս են գրանցված կամավորների շրջանում ընտրություն կատարելու, ԱՆ խոսնակը պատասխանեց․ «Մենք ունենք համակարգ, որով գնում է հրավերը։ Եթադրենք՝ մեզ այս պահին անհրաժեշտ են վարորդներ․ այն մարդիկ, որոնք հայտը լրացնելուց նշել են, որ իրենք վարորդ են, նրանց գնում է հետադարձ պատասխան, որ իրենք հրավիրվում են աշխատանքի։ Եթե հաստատումները լինում են, այդ մարդիկ արդեն աշխատանքի են անցնում»։

Մեր հարցին, թե արդյոք հայտագրված կամավորների ցանկում միայն Հայաստանի բնակիչներ են, թե Սփյուռքից նույնպես դիմողներ են եղել, Ալինա Նիկողոսյանը պատասխանեց․ «Ճիշտն ասած՝ ամբողջ ցանկը չեմ հասցրել ուսումնասիրել։ Հիմնականում մեր տեղացիներն են, բայց գուցե սփյուռքից էլ դիմած լինեն՝ առցանց մեզ ինչ-որ հարցերում օգնելու համար»։

ԱՆ խոսնակի խոսքով՝ կամավորների տարիքային սահմանափակում չեն ունեցել։ «Երիտասարդներ են, ուսանողներ, նաև մեծահասակներ։ Իհարկե, ուսանողներն ավելի արագ են արձագանքել»,- նշեց Ալինա Նիկողոսյանը։

Ըստ նրա՝ կամավորներն ամենատարբեր աշխանքներ են կատարելու․ դեղորայքի ու սննդի մատակարարումից մինչև թեժ գծի հեռախոսազանգերին պատասխանել։ «Կա բուժքույրի աշխատանք, վարորդի, տվյալներ հավաքագրող ու լրացնողի։ Որտեղ զգում ենք՝ լրացուցիչ ուժի կարիք ունենք, դիմում ենք կամավորներին»,- ասաց ԱՆ խոսնակը։

Ալինա Նիկողոսյանի խոսքով՝ նաև 14-օրյա կարանտինի մեջ գտնվող մեր հայրենակիցներին սպասարկող աշխատակազմին աջակցող կամավորներ կան, որոնք, օրինակ, օգնում են սնունդ պատրաստելու կամ մատակարարելու հարցում։ ԱՆ խոսնակը հավելեց, որ այժմ կամավորների հավաքագրման հայտը փակել են։ Անհրաժեշտության դեպքում՝ այն կրկին կբացեն։

Factor.am-ը նաև կապ հաստատեց վարչապետի տիկին Աննա Հակոբյանի խոսնակ Հասմիկ Հարությունյանի հետ, որը մանրամասնեց. «Մենք տեսել ենք Առողջապահության նախարարության հայտարարությունը, ինչից հետո տիկին Հակոբյանը զանգահարել է նախարարություն և ասել, որ ցանկություն ունի ինքը նույնպես մասնակցել կամավորական աշխատանքներին»։

Նելլի Մելքոնյան