04.07.2026 | 13:33
Հայաստանը ձգտում է արհեստական բանականությունը դարձնել տնտեսական աճի շարժիչ ուժ․ Մխիթար Հայրապետյանի հարցազրույցը Apolitical-ին
Առողջապահության փոխնախարարը՝ Շենգավիթում հայտնաբերված վարակակիրների մասին. ՏԵՍԱՆՅՈՒԹ
17.03.2020 | 12:59
Ամբողջ աշխարհում կորոնավիրուսի վարակի թվերն աճում են և, մարտի 16-ի դրությամբ, ունենք 167 հազարից ավելի լաբորատոր հաստատված դեպք, որից մոտ 3.200-ը՝ մահվան ելքով։ Այս մասին մարտի 17-ին լրագրողների հետ հանդիպման ժամանակ հայտարարեց ՀՀ առողջապահության փոխնախարար Լենա Նանուշյանը:
Նրա խոսքով՝ ոչ մի երկիր երաշխավորված չէ կորոնավիրուսի ներթափանցումից. «Երկրները, այդ թվում՝ Հայաստանի Հանրապետությունը, ձեռնարկում են միջոցառումներ՝ նվազեցնելու այն դեպքերի քանակը, որ կարող է գրանցվել երկրում և պատրաստվելու իրականացնել այնպիսի միջոցառումներ, որպեսզի վիրուսի տարածման հակազդումը լինի արդյունավետ»։
Նանուշյանն անդրադարձավ Հայաստանում վիրուսի հաստատված դեպքերին. «Այս պահի դրությամբ՝ Հայաստանում ունենք 52 հաստատված դեպք։ Երեկվա ընթացքում կատարվել է 105 տեստ, որի արդյունքում դրական դեպքերը հայտնաբերվել են և ընդհանուր համագումար հաստատվել է 52։ Այս 52 դեպքերից 2-ի մոտ է, որ ախտորոշվել է թոքաբորբ, միջին ծանրության, թեթև ձև է և սիպտոմատիկ բուժում է տրամադրվում հիվանդներին։ Մնացած հիվանդների մոտ անախտանիշ են կամ թեթև ջերմություն են ունենում ընթացքում։ Նրանց առողջական վիճակը գնահատվում է բավարար։ Ունենք նաև 1 առողջացած դեպք, մի քանի անգամ տեստն իրականացնելուց և բացասական արդյունք ստանալուց հետո հիվանդանոցից դուրս է գրվել»։
Մանրամասները՝ տեսանյութում:
