23.02.2026 | 13:03
Հայտնի են BAFTA 2026-ի հաղթողները. «Պարոն Ոչ ոքն ընդդեմ Պուտինի» ֆիլմը` լավագույն վավերագրական ֆիլմ
Խոշոր ավտովթար՝ Լոռու մարզում․ կան մեկ տասնյակից ավելի տուժած քաղաքացիներ
17.03.2020 | 10:33
Factor.am-ը Արտակարգ իրավիճակների նախարարությունից տեղեկանում է՝ այսօր վաղ առավոտյան ահազանգ է ստացվել, որ Վանաձոր-Սպիտակ ավտոճանապարհին տեղի է ունեցել ավտովթար և կան տուժածներ։ Վթարի վայր են ժամանել շտապօգնության մեքենաներ, մեկ տասնյակից ավելի տուժած քաղաքացիներին տեղափոխվել են մարզային հիվանդանոցներ։
ԱԻՆ-ից մեզ հայտնեցին՝ նախնական տեղեկություններով մահացած անձինք չկան։ Դեպքի վայր են մեկնել ԱԻՆ մարզային փրկարարական վարչության օպերատիվ խումբը և հրշեջ-փրկարարական ջոկատներից երկու մարտական հաշվարկ:
«ՊԱԶ» մակնիշի ավտոբուսը տեղափոխելիս է եղել Վանաձորի «Գլորիա» կարի ֆաբրիկայի աշխատակիցներին, և Սպիտակ – Վանաձոր ավտոճանապարհի 13-րդ կիլոմետրից դուրս է եկել երթևեկելի գոտուց ու կողաշրջվել։ Մինչ կողաշրջվելն ավտոբուսը բախվել է «ՕՊԵԼ» մակնիշի ավտոմեքենային: Մինչ փրկարարների կանչի վայր հասնելը՝ տուժածներից մեկը տեղի ուժերով դուրս է բերվել ավտոբուսի տակից. տուժածին մոտեցրել են շտապօգնության ավտոմեքենային:
Լուսանկարները՝ «Հայկական ժամանակի»
