20.01.2026 | 17:43
«Երեխաներից գոնե ամաչեք․ բա չհետաքրքրացնե՞մ մեր նիստը»․ Ռուբինյանը՝ Կյուրեղյանին․ ՏԵՍԱՆՅՈՒԹ
Գագիկ Խաչատրյանը դեռ «Աստղիկ» ԲԿ-ում է. փաստաբան
Հասարակություն
16.03.2020 | 13:46
ՊեԿ նախկին նախագահ, ֆինանսների նախկին նախարար Գագիկ Խաչատրյանի փաստաբան Երեմ Սարգսյանը Factor.am-ին հայտնեց, որ իր պաշտպանյալը դեռևս գտնվում է «Աստղիկ» բժշկական կենտրոնում և չի տեղափոխվել ՔԿՀ:
«Բժշկական կոնսիլիում է իրականացվել և արձանագրվել է, որ պարոն Խաչատրյանը պարտադիր բուժման կարիք ունի»,- ասաց փաստաբանը՝ հավելելով, որ Խաչատրյանի մոտ առկա հիվանդությունները վերջին շրջանում սրվել են:
Հիշեցնենք, որ Գագիկ Խաչատրյանը մեղադրվում է Քրեական օրենսգրքի 308-րդ հոդվածի 2-րդ մասով՝ պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ, և 179-րդ հոդվածի 3-րդ մասի 1-ին կետով՝ առանձնապես խոշոր չափերով վատնում կատարելը: Ըստ մեղադրանքի՝ հանցագործությամբ պատճառված վնասի չափը հասնում է 7 մլրդ դրամի:
Լիլիթ Շաբոյան
