30.04.2026 | 17:50
Նահանջ՝ 16 տեղով. ինչու է ՀՀ-ն զիջել դիրքերը մամուլի ազատության ինդեքսում․ ՏԵՍԱՆՅՈՒԹ
Հակառակորդն Իջևանի մարտական դիրքերի ուղղությամբ կրակ է բացել․ զոհեր ու վիրավորներ չկան
13.03.2020 | 17:10
Այսօր՝ ժամը 12։00-12։30-ի սահմաններում հակառակորդը կրակ է բացել Իջևանում տեղակայված մարտական դիրքերի ուղղությամբ` խախտելով հրադադարի պահպանման ռեժիմը։ Կրակոցների հետևանքով զոհեր կամ վիրավորներ չկան։ Տեղեկությունը Factor.am-ի հետ զրույցում հաստատեց Պաշտպանության նախարարի մամուլի խոսնակ Շուշան Ստեփանյանը։
Անդրադառնալով ադրբեջանական լրատվամիջոցներում տարածած այն լուրերին, թե հայկական կողմը թիրախավորել է ադրբեջանական բնակավայրեր, ՊՆ խոսնակն ասաց․ «Դա իրականությանը չի համապատասխանում, որովհետև մեր մարտավարությունը հստակ է․ մենք երբեք չենք թիրախավորում խաղաղ բնակավայրերը»։
ՊՆ խոսնակը հավելեց, որ հակառակորդի կրակոցները լռել են հայկական կողմի պատասխան կրակոցներից հետո միայն։
Նելլի Մելքոնյան
