12.03.2026 | 18:38
Իրաքի ափերի մոտ հարձակման ենթարկված լցանավում 23 վրացի նավաստի է եղել
Քարոզարշավը կանգնեցվել է. վարչապետի խոսնակ
Քաղաքականություն
13.03.2020 | 17:02
«Որոշում է կայացվում քարոզարշավը շարունակելու, առհասարակ քարոզարշավ անելու հարցի շուրջ։ Այսինքն՝ ստեղծված իրավիճակում չկա կոնկրետ որոշում»,- այս մասին Factor.am-ի հետ զրույցում ասաց վարչապետի մամուլի խոսնակ Մանե Գևորգյանը՝ անդրադառնալով հարցին, թե Փաշինյանի այսօրվա կոչը՝ զանգվածային միջոցառումներ չանցկացնելու մասին, նշանակում է, որ անորոշ ժամկետով դադարեցվում է նախընտրական քարոզչությունը։
«Հանրաքվեն չեղարկելու հարցը չի քննարկվում, քննարկվում է թե ստեղծված իրավիճակում հաջորդ քայլերն ինչ պետք է լինեն։ Եթե Առողջապահության նախարարությունն ասում է, որ պետք է խուսափել զանգվածային հավաքներից, ապա, ելնելով հասարակության բարեկեցությունից, չի կազմակերպվի։ Կուսակցության ներսում քննարկվելու հարց է, որը ես իրավասու չեմ մեկնաբանել։ Տեսնում եք, որ չի կազմակերպվում, քարոզարշավը կանգնեցվել է»,- ասաց նա։
Նարեկ Կիրակոսյան
