14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Կայացավ «Ջայ Ջագաթ 2020» քայլարշավի լուսանկարների ցուցահանդեսը. ՏԵՍԱՆՅՈՒԹ
12.03.2020 | 20:59
Կայացավ «Ջայ Ջագաթ 2020» քայլարշավի լուսանկարների ցուցահանդեսը։ «Քայլարշավի հիմնական նպատակը Մահաթմա Գանդիի գաղափարների տարածումն է․ խաղաղության, ոչ բռնի փոփոխությունների, աղքատության դեմ պայքարի և շրջակա միջավայրի պահպանության։ Քայլարշավը մեկնարկել է Նյու Դելիից՝ Մահաթմա Գանդիի գերեզմանից։ Անցնելու են Մահաթմա Գանդիի անցած ճանապարհով։ Հնդկաստանում արդեն անցել են 4 ամիս, վերջին մեկ ամիսը քայլում են Հայաստանի սահմանում։ Սկսել են Ագարակից, ավարտելու են Բագրատաշենում։ Ընդհանուր քայլարշավը տևելու է 365 օր և ավարտվելու է Շվեյցարիայում՝ Ժնևում։ 10 երկիր են անցնելու։ Հայաստանում նախատեսված է 45 բնակավայր»,- ասաց Աղաբեկ Սիմոնյանը՝ «Ջայ Ջագաթ 2020» քայլարշավի հայաստանյան թիմի համակարգողը։
«Ջայ Ջագաթ 2020» քայլարշավի մասնակից Ռաջագոպալան Վեեթիլն էլ ասում է, որ իրենք երկարատև քայլարշավներ կազմակերպելու սովորություն ունենք․ «Գաղափարի հիմքում ոչ բռնի շարժումն է։ Դուք էլ Հայաստանում կարողացաք ոչ բռնի շարժում կազմակերպել և այդ կերպ իշխանափոխություն արեցիք։ Սա շատ հետաքրքիր կապ է Հայաստանի և Հնդկաստանի միջև։ Այն շատ նման է ուխտագնացությանը։ Մենք անցել ենք Մահաթմա Գանդիի անցած ճանապարհով, հետո եկել մի երկիր, որը բազում տարիներ բռնություն է տեսել և հետո որոշել ոչ բռնի շարժման միջոցով իր խնդիրները վերափոխել։ Մենք փորձում ենք Հայաստանից գաղափարներ վերցնել, թե ինչպես կարելի է ոչ բռնի շարժման միջոցով հասարակությունը վերափոխել»։
Մանրամասները՝ տեսանյութում։
Նելլի Մելքոնյան
