01.10.2026 | 23:01
Ադրբեջանցի զինծառայողի կրակոցից վիրավորված կնոջ անչափահաս երեխաները բուժօգնության են դիմել. Դատախազություն
Ես ատում եմ ՀՀ քաղաքացու խեղճությունը․ Նիկոլ Փաշինյանը՝ իր ագրեսիայի մասին. ՏԵՍԱՆՅՈՒԹ
Հասարակություն
11.03.2020 | 13:59
ՀՀ վարչապետ Նիկոլ Փաշինյանը Սիսիանում «Այո»-ի քարոզարշավի ժամանակ ասաց, որ, այո՛, համաձայն է, երբեմն իր մեջ ագրեսիվություն նկատվում է. «Ասում են, որ ես մի քիչ ագրեսիվ եմ պահում ինձ, և դա ճիշտ է, բայց դա պատճառ ունի և դա կապված է Հրանտ Մաթևոսյանի «Ծառերը» պատմվածքի հետ»։
Փաշինյանը հատված մեջբերեց պատմվածքից․ «Մայրը դիմում է որդուն, ասում է՝ լավը չես, խեղճ ես։ Իմ ագրեսիվությունը սրա հետ է կապված, որովհետև ես ատում եմ ՀՀ քաղաքացու խեղճությունը: Ես չեմ ուզում, որ Հայաստանի Հանրապետության քաղաքացին խեղճ լինի, որովհետև պատմվածքի մեջ մայրը դիմում է որդուն, ասում է՝ քոնը խիղճ չի, քոնը խեղճություն է։ Մենք բոլորս պետք է ատենք մեր խեղճությունը, մենք պիտի մեր ոտերի տակ տանք մեր խեղճությունը, որովհետև մենք Հայաստանի Հանրապետության հպարտ քաղաքացի ենք, մենք նոքյար չենք, մենք տան տեր ենք, մենք մարդ ենք, մենք արժանապատիվ ենք, մենք Արցախում հաղթած, Արցախում զոհված մեր ազատամարտիկների հետնորդներն ենք: Մենք մեկին խեղճ տեսնելիս չպետք է գնանք ու նրան ավելի խեղճացնենք, պիտի կռիվ տանք իրա հետ, իրա խեղճության հետ, պիտի կռիվ տանք: Եվ այս հանրաքվեն նաև դրա համար է, հեղափոխությունը ընդդեմ խեղճության էր, հեղափոխությունը ընդդեմ հայի լալկանության էր»։
Մանրամասները՝ տեսանյութում։
