24.04.2024 | 12:07
Արիությանը վախկոտություն մի խառնեք․ Գարեգին Բ-ն պատգամով դիմեց իշխանություններին
Այսօր զոհված զինծառայողն ընդամենը մի քանի օրվա ծառայող էր
10.03.2020 | 19:13
Այսօր հակառակորդի կողմից արձակված կրակոցից զոհված պայմանագրային զինծառայող Զոհրաբ Գրիգորիի Սիանոսյանն ընդամենը երեք օր է, ինչ պայմանագրային զինծառայության էր անցել: Այս մասին Factor.am-ի հետ զրույցում ասաց Փոքր Վեդիի համայնքապետ Նորիկ Մարտիրոսյանը:
Զոհրաբ Սիանոսյանը բնակվում էր Արարատի մարզի Փոքր Վեդի գյուղում՝ ընտանիքի հետ: Ամուսնացած էր, երկու անչափահաս դուստր ուներ:
«Մի երեք-չորս օրվա ծառայող էր, մինչ այդ բանվորությամբ էր վաստակում»,- ասաց գյուղապետը:
Հիշեցնենք՝ Պաշտպանության նախարարությունը քիչ առաջ տեղեկություն տարածեց, որ մարտի 10-ին՝ ժամը 15:30-ի սահմաններում, հարավ-արևելյան հատվածում տեղակայված ՊՆ N զորամասի պահպանության շրջանի մարտական դիրքի ուղղությամբ հակառակորդի կողմից արձակված կրակոցի հետևանքով կրծքավանդակի շրջանում մահացու հրազենային վնասվածք է ստացել պայմանագրային զինծառայող, շարքային Զոհրաբ Գրիգորիի Սիանոսյանը:
Նարեկ Կիրակոսյան
