17.09.2026 | 23:38
Սամվել Կարապետյանի տնային կալանքը երկարաձգվել է
Հունան Պողոսյանը պնդում է` քարոզարշավի չի եկել, աշխատանքային հանդիպման է. ՏԵՍԱՆՅՈՒԹ
Քաղաքականություն
10.03.2020 | 11:37
Սյունիքի մարզպետ Հունան Պողոսյանը պնդում է՝ «Այո»-ի քարոզարշավին չի մասնակցում: Այս մասին նա ասաց Ագարակում լրագրողների հետ զրույցում: Ի դեպ՝ «Այո»-ի քարոզարշավի շրջանակում Ագարակում է նաև վարչապետ Նիկոլ Փաշինյանը:
«Աշխատանքային քննարկում է Ագարակի կոմբինատի աշխատակիցների հետ: Թող ասեն՝ քանի անգամ ենք իրենց հետ հանդիպում… շաբաթական մեկ-երկու անգամ հանդիպում ենք, առավել ևս, որ խնդրահարույց հարցեր ունենք, որ փորձում ենք լուծել»,- վստահեցրեց Պողոսյանը:
Դիտարկմանը, թե լուրեր են պտտվում, որ մարզպետները հրավիրում են համայնքապետերին և հրահանգավորում «Այո»-ի համար ձայներ ապահովել, Հունան Պողոսյանն ասաց՝ դրա կարիքը չկա:
«Սյունիքը լավ չեք ճանաչում, սյունեցուն լավ չեք ճանաչում, եթե հավաքեք, ասեք, միգուցե թարս անեն»,- հավելեց մարզպետը:
Մանրամասները՝ տեսանյութում:
