«Ոչ»-ի հուղարկավորությունը խորհրդանշական իմաստ է կրում, անհանգստանալու կարիք չկա․ Հովիկ Աղազարյան. ՏԵՍԱՆՅՈՒԹ

Քանի մոտենում է ապրիլի 5-ը՝ սահմանադրական հանրաքվեի օրը, իշխանության ներկայացուցիչներն ավելի են ակտիվանում։ Վաղը ևս քարոզչական աշխատանքներում կներգրավվի վարչապետ Նիկոլ Փաշինյանը՝ հանդիպումներ ունենալով Սյունիքի մարզի Ագարակի, Մեղրիի, Քաջարանի, Կապանի ու Տեղ գյուղի բնակիչների հետ։

«Ոչ»-ի կողմից այս ընթացքում դժգոհում են, որ արդեն երկրորդ անգամ «Ոչ»-ի հուղարկավորություն է կազմակերպվել։ Պատասխանատու են համարում իշխանությանը, որ կիրառվում են հակաքարոզչության «անփառունակ մեթոդներ»։ Այդպես, ըստ նրանց, իշխանության կողմնակիցները ծաղրում են թաղման ծեսը և դրանից հաճույք են ստանում», այդպես ասել է «ՈՉ» քարոզչական կողմի մասնակից, իրավաբան Ռոբերտ Հայրապետյանը։

ԱԺ «Իմ քայլը» խմբակցության պատգամավոր Հովիկ Ղազարյանը Factor TV-ի հարցազրույցում, մեկնաբանելով իրենց ուղղվող մեղադրանքները, ասում է՝ պետք չէ պարզունակ մոտենալ հարցին․ «Ու պատկերացնենք էդ «Ոչ»-ի հուղարկավորությունը էն իմաստով հասկանալ, որ ով ոչ ասեց, ապա իրեն կհուղարկավորենք, ապա միգուցե դա անհանգստանալու տեղիք է տալիս, որովհետև մենք էլ ենք դեմ ցանկացած բռության։ Այդ երևույթները խորհրդանշական իմաստ են կրում իրենց մեջ, սարսափելի բան չկա։ Ես կողմնակից չեմ նման դրսևորումների, բայց չեմ գտնում այդտեղ այնպիսի բան է եղել, որ կարելի է անդրադառնալ այդ հարցին։ Ես մեր թիմի մեջ չեմ գտել մեկին, որը ոգևորված է նման դրսևորումներով, քաղաքացին եթե ազատ է մետրոյի մեջ բուկլետը նետելու վարչապետի ուղղությամբ, ապա ինչո՞ւ նույնքան ազատ պիտի չլինի մյուս քաղաքացին։ Սպառնալիք չկա։ Խորհրդանշական քայլ է»,- ասաց Հովիկ Աղազարյան։

Մանրամասները՝ տեսանյութում:

Ռոբերտ Անանյան