30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Պաշտոնյաները պետք է սկսեն իրենցից. ի՞նչ կտա բռնության կոչերը քրեականացնող օրինագիծը. ՏԵՍԱՆՅՈՒԹ
Քաղաքականություն
09.03.2020 | 20:09
Իշխանությունը որոշել է պայքարել բռնության կոչերի դեմ օրենսդրական մակարդակում: Մարտի 6-ին խորհրդարանն առաջին ընթերցմամբ ընդունեց կառավարության կողմից ներկայացված օրենքի նախագիծը, որով առաջարկվում է ատելության խոսքի՝ բռնության հրապարակային կոչի, բռնությունը հրապարակայնորեն արդարացնելու և քարոզելու համար սահմանել քրեական պատասխանատվություն:
Նախագիծը ներկայացնելիս Արդարադատության փոխնախարար Սրբուհի Գալյանը նշեց․ «Քրեական օրենսգրքում առկա կարգավորումները բավարար չեն անձանց կյանքի և առողջության, անձնական ազատության, սեռական անձեռնմխելիության, սեռական ազատության պաշտպանության համար ամուր երաշխիքներ ապահովելու տեսանկյունից»։
Օրինագիծը պատգամավորների շրջանում լայն քննարկումների տեղիք տվեց: Օրենսդիրները ներկայացրին իրենց հուզող հարցերը՝ վկայակոչելով սոցիալական ցանցերում առկա վիճակն ու առօրյա կյանքից դրվագներ:
Իրավապաշտպան Նինա Կարապետյանցն ասաց՝ ցանկացած օրենք ընդունելուց առաջ սեփական օրինակով է պետք ծառայել: Իրավապաշտպանը վստահ է՝ երբ քաղաքական դաշտի շրջանակներում խնդիրը կարգավորվի, օրենքի կարիքն էլ գուցե չլինի: Բայց բռնության կոչի համար ցանկացած դեպքում պետք է պատասխանատվություն կրեն:
Քաղաքագետ Վիգեն Հակոբյանն էլ շեշտեց՝ եթե քաղաքական իրադրությունն այնպիսին չլինի, որ բռնության, ատելության կոչերը հասարակական պահանջարկ վայելեն՝ նման կոչեր չեն հնչի:
Մանրամասները՝ տեսանյութում:
Մերի Մարտիրոսյան
