20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Նիկոլ Փաշինյանը մայիսին Մոսկվա կմեկնի. ՏԱՍՍ
Քաղաքականություն
06.03.2020 | 18:54
ՀՀ վարչապետ Նիկոլ Փաշինյանը մայիսի 9-ին Մոսկվայում կմասնակցի Մեծ Հայրենական պատերազմի 75-ամյակի միջոցառումներին։ Այս մասին տեղեկացնում է ռուսական ՏԱՍՍ-ը:
Գործակալությունը ներկայացրել է այն երկրների առաջնորդների ցանկը, որոնք հաստատել են տոնական միջոցառումներին իրենց մասնակցությունը: Աղբյուրի համաձայն, ընդհանուր առմամբ, Մոսկվան արդեն նման հաստատում է ստացել 20 երկրի ղեկավարներից, այդ թվում՝ Հայաստանի վարչապետից:
Վարչապետի մամուլի խոսնակ Մանե Գևորգյանից փորձեցինք ճշտել Նիկոլ Փաշինյանի մոսկովյան այցի օրակարգը: Նա Factor.am-ին ասաց, որ տեղեկություն կարող է տրամադրել մի ավելի ուշ: Մեկնաբանություն ստանալուն պես այն կհրապարակենք:
Հավելենք, որ ՌԴ մայրաքաղաքում շուրջ 10 մլն հյուրերի են սպասում: Մոսկվայի գլխավոր հրապարակում տեղի կունենա ավանդական շքերթ, որը, ռուսական աղբյուրի փոխանցմամբ, կլինի ավելի մասշտաբային, քան նախորդ տարի:
