30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Բռնության հրապարակային քարոզը քրեականացնող նախագիծն ընդունվեց առաջին ընթերցմամբ
Հասարակություն
06.03.2020 | 10:38
Ազգային ժողովն առաջին ընթերցմամբ ընդունեց Կառավարության կողմից ներկայացված ՀՀ քրեական օրենսգրքում փոփոխություն կատարելու և ՀՀ քրեական դատավարական օրենսգրքում փոփոխություններ կատարելու մասին նախագծերի փաթեթը։
Ըստ առաջարկվող փոփոխությունների՝ կքրեականացվի բռնության հրապարակային քարոզն ու դրա արդարացումը։
«Անձի կամ անձանց խմբի նկատմամբ սեռով, ռասսայով, մաշկի գույնով, էթնիկ կամ սոցիալական ծագումով, գենետիկական հատկանիշներով, լեզվով, կրոնով, աշխարհայացքով, քաղաքական կամ այլ հայացքներով, ազգային փոքրամասնությանը պատկանելությամբ, գույքային վիճակով, ծնունդով, հաշմանդամությամբ, տարիքով կամ անձնական կամ սոցիալական բնույթի այլ հանգամանքներով պայմանավորված բռնություն գործադրելու հրապարակային կոչերը, նման բռնությունը հրապարակայնորեն արդարացնելը կամ քարոզելը պատժվում է տուգանքով՝ նվազագույն աշխատավարձի հիսնապատիկից հարյուրհիսնապատիկի չափով, կամ կալանքով՝ առավելագույնը երկու ամիս ժամկետով, կամ ազատազրկմամբ՝ առավելագույնը մեկ տարի ժամկետով»,- նախագիծը ներկայացնելիս, մասնավորապես, նշեց արդարադատության փոխնախարար Սրբուհի Գալյանը:
Նախագիծն ընդունվեց 91 կողմ, 0 դեմ, և 21 ձեռնպահ ձայներով։
«Բարգավաճ Հայաստան» խմբակցության պատգամավոր Արման Աբովյանը, վարման կարգով իր ելույթում նշեց, որ ձեռնպահ կքվեարկեն ու կներկայացնեն առաջարկություններ մինչև երկրորդ ընթերցման անցնելը։
