07.08.2026 | 11:37
«Սատանայի փաստաբանը»․ Գարիկ Սարգսյանը, դերասանական տաղանով, Վարդևանյանին համեմատեցին Կիանու Ռիվզի և Ալ Պաչինոյի հետ
«Կենսագրությանս մեջ չկա մի հատված, որի համար կարող եմ ամաչել»․ Գևորգ Պապոյանը՝ ՀՀԿ-ական լինելու մասին. ՏԵՍԱՆՅՈՒԹ
Քաղաքականություն
05.03.2020 | 15:16
Երբևէ որևէ բան չեմ կեղծել, որևէ անօրինական բան չեմ արել, հետևաբար, իմ կենսագրության մեջ չկա մի հատված, որի համար ես կարող եմ ամաչել։ Ինձ մեղադրել են հանրապետական լինելու մեջ։ Ես էլ ասում եմ, որ իմ հորն ընդդիմադիր հայացքների համար հեռացրել են համալսարանից։ Այս մասին այսօր լրագրողների հետ զրույցում նշեց ԱԺ «Իմ քայլը» խմբակցության պատգամավոր Գևորգ Պապոյանը՝ անդրադառնալով «Լուսավոր Հայաստան» խմբակցության ղեկավար Էդմոն Մարուքյանի այն հայտարարությանը, թե ինքը հանրապետական է եղել և այժմ էլ աջակցում է հանրապետականներին։
«2006-2007 թվականներին ես եղել եմ Հանրապետական կուսակցության անդամ։ Երբեք որևէ բան չեմ թաքցրել։ 2008-ից հետո ես նրանց հետ որևէ առնչություն չեմ ունեցել։ Ես վաճառող, մարքեթինգի մասնագետ եմ աշխատել և մասնավոր համակարգում իմ կարիերան եմ արել։ Վերջին 12 տարվա ընթացքում որևէ կապ չեմ ունեցել և ընդհանրապես չեմ շփվել կամ ճանաչել որևէ պաշտոնավոր հանրապետականի։ Սա ուղղակի աբսուրդ է։ Չգիտեմ՝ Էդմոն Մարուքյանն ինչու է ինձ անձնավորել։ Իմ կարծիքով՝ դա շրիշակից ցածր մակարդակի հայտարարություն էր և չպետք է Ազգային ժողովում արվեր։ Որևէ կուսակցության անդամ լինելը չի կարող լինել վիրավորական։ Ես պատասխանել եմ, որովհետև այդ փաստը շահարկվել է»,- ասաց իմքայլական պատգամավորը։
Մանրամասները՝ տեսանյութում։
Նելլի Մելքոնյան
