Հասարակություն
05.03.2020 | 11:23Կառավարության այսօրվա նիստում, մինչ օրակարգին անցնելը, ՀՀ վարչապետ Նիկոլ Փաշինյանն առողջապահության նախարար Արսեն Թորոսյանից հետաքրքրվեց՝ ինչ իրավիճակ ունենք կորոնավիրուսի դեմ տարվող պայքարում:
Նախարարն ասաց, որ բոլոր միջոցառումները շարունակում են իրականացնել. «Ունենք մեկ հաստատված դեպք, որը գտնվում է «Նորք» ինֆեկցիոն հիվանդանոցում, և 31 քաղաքացիներ, որոնք հատուկ մեկուսացված պայմաններում գտնվում են Ծաղկաձորում: Բոլորի ինքնազգացողությունը և առողջությունը լավ է, որևէ գանգատ չունի որևէ մեկը, այդ թվում՝ հաստատված պացիենտը: Երեկ հետազոտել ենք նրա կնոջը, որի մոտ հերքվել է հիվանդության առկայությունը: Այսինքն՝ ինքը համարվելով վարակիչ հիվանդանոց, մեր սեփական փորձով տեսնում ենք, որ շատ վարակիչ չէ»:
Արսեն Թորոսյանը նշեց, որ 162 նմուշ է մինչ օրս վերցվել, միայն մեկն է հաստատվել: Ամեն օր կատարվում են նմուշառումներ, ամեն ինչ վերահսկելի է և հանրապետությունը կարող է իր բնականոն կյանքով ապրել:
«Իսկ Գոլդեն Փելեսի ժողովուրդն ապահովվա՞ծ է ամեն ինչով»,- հետաքրքրվեց վարչապետը: Նախարարը վստահեցրեց, որ ամեն ինչով ապահովված են, այդ թվում՝ ինտերնետ, գրքեր: Նրանք այնտեղ կմնան մինչև մարտի 14-ը:
Մանրամասները՝ տեսանյութում:
