28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Սերժ Սարգսյանի դեմ ցուցմունք կորզելու համար Սերգո Կարապետյանին շանտաժի են ենթարկել․ Կարինե Աճեմյան. ՏԵՍԱՆՅՈՒԹ
Քաղաքականություն
04.03.2020 | 21:45
Օրերս սկսվեց Սերժ Սարգսյանի գործով դատավարությունը։ Ինքը ևս ներկա էր դատական նիստին, բայց ելույթ ունենալով իր աջակիցների առաջ, հայտարարեց, թե Արցախը չի լինելու Ադրբեջանի կազմում։
ՀՀԿ կանանց խորհրդի նախագահ Կարինե Աճեմյանը Factor TV-ի հարցազրույցում բացատրում է, թե ի՞նչ կապ ունեին Արցախը և Ադրբեջանը դատավարության հետ․ «Սերժ Սարգսյանի զագրեբյան ելույթից հետո գործ հարուցվեց նրա դեմ, և այդ գործը փաթեթավորված էր, և երկու տարվա ընթացքում շատերի հետ կապված ցուցմունքներ կորզելու գործողություններ եղան՝ շանտաժի, ինչպես մամուլում գրվեց, տարբեր մեթոդներ կիրառելով կարողացան այդ ցուցմունքը կորզել»։
Մեր հստակեցնող հարցին՝ Սերգո Կարապետյանի՞ն են շանտաժի ենթարկել, տիկին Աճեմյանը հաստատող պատասխան տվեց։ ՀՀԿ-ական նախկին պատգամավորը համոզված է, որ Սերժ Սարգսյանին կոռուպցիոն մեղադրանք առաջադրելը նպատակ ունի հեղինակազրկել մի մարդու, որը, ըստ նրա, իր կյանքը Արցախին է նվիրե:
«Ես կարծում եմ, որ Նիկոլ Փաշինյանը բարդույթներ ունի, նա ամեն նախադասության մեջ կրկնում է Սերժ Սարգսյանի անունը, անվերջ հարձակվում է ՀՀԿ-ի վրա՝ այն դեպքում, երբ արդեն իշխանավարման երկրորդ տարին է լրանում, սա որևէ տրամաբանության մեջ չի տեղավորվում»,- ասաց Կարինե Աճեմյանը։
Մանրամասները՝ տեսանյութում:
