17.09.2026 | 23:38
Սամվել Կարապետյանի տնային կալանքը երկարաձգվել է
Նիկոլ Փաշինյանի թիկնապահի մոտ կորոնավիրուսի կասկածներ չկան. ԱՆ խոսնակ
04.03.2020 | 16:58
Վարչապետ Նիկոլ Փաշինյանի անվտանգության աշխատակցի մոտ կորոնավիրուսի կասկածներ չկան: Նա պարզապես վատառողջ է եղել, անցել է որոշակի հետազոտություններ և այժմ իրեն լավ է զգում: Այս մասին ֆեյսբուքում գրել է առողջապահության նախարարի մամուլի խոսնակ Ալինա Նիկողոսյանը:
Ավելի վաղ վրացական լրատվամիջոցները հաղորդել էին, որ ՀՀ վարչապետ Նիկոլ Փաշինյանի անվտանգության ծառայության աշխատակիցներից մեկի մոտ բարձր ջերմություն և կորոնավիրուսին բնորոշ ախտանշաններ են նկատել:
Ըստ տեղեկությունների՝ նրան անհապաղ Երևան են ուղարկել՝ ինֆեկցիոն հիվանդանոց: Նշվում է, որ այս տեղեկությունից հետո ստիպված կլինեն թեստավորում անցնել Վրաստանի վարչապետն ու նրա թիկնազորի անդամները:
