Մարալիկի ծննդատան ապագան անորոշ է. սահմանված չափորոշիչներին ծննդատունը դեռ չի համապատասխանում

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Մարալիկի ծննդատունը կշարունակի գործել, թե՝ ոչ, դեռ պարզ չէ։ Առողջապահության նախարարության հանձնաժողովը ստուգումներ է անցկացրել Մարալիկի առողջության կենտրոնում ու պարզել, որ բոլոր թերությունները վերացված չեն, և բուժհաստատությունը դեռ չի համապատասխանում սահմանված չափորոշիչներին։

Նշենք, որ ավելի վաղ նախարարությունը բուժհիմնարկին մինչև փետրվարի 15-ը ժամանակ էր տվել՝ եղած թերությունները շտկելու համար։ Բուժհաստատությունում էլ մեծ թափով վերազինման ու համալրման աշխատանքներ էին սկսվել, անհրաժեշտ նոր բուժսարքավորումներ տեղադրվել: Ծննդաբերական բաժանմունքը տեղափոխվել էր նախկին ստացիոնար՝ ավելի հարմարավետ բաժանմունք, տեղադրվել էր նաև նոր թթվածնային կենտրոնացված համակարգ։ Արվածը, սակայն, բավարար չէ։

«Հիմա նորից հանձնաժողովը եկել է, ծննդատան սարքավորումների հարցեր է բարձրացրել: Այնտեղ լիցենզավորման պահանջներ կան՝ Կառավարության 19 36N որոշմամբ սահմանված պահանջներ են, սարքավորումներով հագեցվածության։ Որոշակի խնդիրներ դարձյալ կան, հիմա էլի տվել են իրենց եզրակացությունը, էլի խնդիրներ կան։ Հիմա փորձելու ենք կատարել դրանց վերացման աշխատանքները»,- Factor.am-ի հետ զրույցում ասաց Շիրակի մարզպետարանի առողջապահության ու սոցիալական ապահովության վարչության պետի ժամանակավոր պաշտոնակատար Լեյլի Ասլանյանը։

Այժմ նախարարության կողմից մեկ ամիս ժամանակ է տրվել՝ առկա խնդիրները լուծելու համար։ Ամեն ինչ արվում է, որ ծննդատունը չփակվի։

Ի դեպ՝ մասնագետների պակասի խնդիրը ծննդատունը կարողացել է լուծել։ Հիշեցնենք, որ ծննդատունը տեղում չուներ վիրահատող մանկաբարձ-գինեկոլոգ, անեսթեզիոլոգ, ռեանիմատոլոգ, ինչպես նաև նեոնատոլոգ։ Փաստորեն, գլխավորը մնում է սարքավորումների հարցը։

«Մասնագետների հետ խնդիր չկա, այն, կարծես, լուծել ենք: Հիմա սարքավորումների հետ կապված պահանջներն են. դրանք հին են, բավարար չեն։ Այնտեղ կա վիրահատական սեղան, որը պիտի լինի բազմաֆունկցիոնալ, անզգայացման սարք, որը հին մոդել է, շարժական ռենտգեն սարք է անհրաժեշտ… Այդպիսի պահանջներ  կան»,- նշեց Լեյլի Ասլանյանը։

Նշենք, որ Մարալիկի առողջության կենտրոնում վերազինման աշխատանքները կատարվում են բացառապես բարերարների միջոցներով, պետությունն այս հարցում որևէ կերպ չի աջակցում։

Հավելենք նաև, որ 2020թ. հունվարի 1-ից Մարալիկի ծննդատան պետական ֆինանսավորումը դադարեցված է: Տարեսկզբին նախարարությունը Մարալիկի ծննդատունը փակելու որոշում էր կայացրել։ Ուսումնասիրելով Հայաստանի տարածքում ծննդօգնության փոքր ծառայությունների աշխատանքը, ծախսն ու դրանց արդյունավետությունը՝ Առողջապահության նախարարությունը եկել էր եզրակացության, որ արդյունավետ աշխատանքի համար բուժհաստատությունը տարեկան ամենաքիչը պիտի ունենա 150 ծնունդ: Մարալիկի ծննդատունը, սակայն, այս չափորոշիչին չի համապատասխանում. 2019 թվականին այստեղ գրանցվել է 102 ծնունդ, 2018-ին՝ 126 ծնունդ:

Էմմա Չոբանյան