07.07.2026 | 10:02
Խոշոր չափերով խարդախություն կատարելու համար մեղադրվող անձը հանձնվել է Ուզբեկստանին․ դատախազություն
Ռոբերտ Քոչարյանի պաշտպանը դատի է տվել ԱԱԾ-ին ու Հանրային հեռուստաընկերությանը
Հասարակություն
04.03.2020 | 16:25
Ռոբերտ Քոչարյանի փաստաբան Արամ Օրբելյանը դատական հայց է ներկայացրել ՀՀ Ազգային անվտանգության ծառայության և Հայաստանի Հանրային հեռուստատեսության դեմ։
Օրբելյանը պահանջում է հերքել զրպարտություն հանդիսացող տվյալները և փոխհատուցում տրամադրել։ Այս մասին տեղեկանում ենք «Դատական տեղեկատվական համակարգից»։
Գործը մակագրվել է դատավոր Նաիրա Ավետիսյանին:
Հիշեցնենք, որ Հանրային հեռուստաընկերությունը նյութ էր պատրաստել «Քոչարյանի պաշտպանի ՍԴ մտնելու հետևանքները» վերտառությամբ: Այստեղ ի պատասխան լրագրողի հարցման ԱԱԾ-ից տեղեկացրել էին, որ Արամ Օրբելյանը մի քանի անգամ, նախքան Ռոբերտ Քոչարյանի գործով որոշման հրապարակումը, այցելել է Սահմանադրական դատարան, այցերը, սակայն, ըստ կարգի չեն արձանագրվել։
Նշենք, որ նյութում առկա էր նաև Օրբելյանի հերքումը, այնուամենայնիվ, փաստաբանը որոշել է դատի տալ, թե՛ հեռուստաընկերությանը և թե՛ ԱԱԾ-ին։
Լիլիթ Շաբոյան
