26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Ոչ ոք գլխից ձեռք չի քաշել, որ ընտրակաշառք բաժանի․ Դանիել Իոաննիսյան. ՏԵՍԱՆՅՈՒԹ
Քաղաքականություն
04.03.2020 | 12:32
Քրեական օրենսգրքով էապես փոխվեցին մի շարք արարքների համար նախատեսվող պատժաչափերը, մի շարք արարքներ այլևս դասվեցին ծանր հանցագործությունների ցանկին: Սա նշանակում է, որ այդ արարքները գործողները շատ ավելի մեծ ռիսկի կգնան հնարավոր պատժի մասով: «Ընտրակաշառք «Ոչ»-ի օգտի՞ն. իրակա՞ն, թե՞ կեղծ օրակարգ, հանրաքվեն՝ փորձաքար իշխանությունների համար» թեմայով քննարկման ժամանակ անդրադառնալով Սահմանադրության փոփոխությունների հանրաքվեի ժամանակ ընտրակաշառք բաժանելու հնարավորությանը՝ ասաց «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը:
«Ընտրակաշառք բաժանելու համար, կարծեմ, մինչև 6-7 տարի կարելի է ազատազրկման ենթարկվել, ընտրությունների արդյունքները կեղծելու համար՝ մինչև 8 տարի ազատազրկման»,- նշեց նա:
Դանիել Իոաննիսյանի խոսքով՝ գործիքակազմը, որը կա և ավելացել է, քաղաքական կամքի և իրավիճակի փոփոխությունը ամբողջությամբ հիմք են տալիս ենթադրելու, որ որևէ զանգվածային կամ պարբերական բնույթ կրող ընտրակեղծարարություն, այդ թվում՝ ընտրակաշառքի բաժանում, ուղղակի լինել չի կարող:
«Ոչ մեկը գլխից ձեռք չի քաշել, որ սկսի ընտրակաշառք բաժանել»,- նշեց նա:
Մանրամասները՝ տեսանյութում:
