26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Բարսեղ Բեգլարյանի մյուս որդին՝ Հայկ Բեգլարյանը ևս դատարանում է. ՏԵՍԱՆՅՈՒԹ
Հասարակություն
03.03.2020 | 11:21
Բարսեղ Բեգլարյանի երկու որդիներն էլ այսօր դատարան էին եկել: Երկուսն էլ ասացին, որ ցուցմունք տալուց հրաժարվում են:
Հայկ Բեգլարյանն ասաց՝ պնդում է այն, ինչ ասել է նախաքննության ընթացքում, նաև նշեց, թե հայտարարություն ունի: Դատարանը հրապարակեց Բեգլարյանի նախաքննական ցուցմունքը: «Քննարկում է եղել, որի նպատակը եղել է պարզել «Ֆլեշ մոթորս» ընկերության պատճառված վնասի պատճառը»,-նշել էր նա:
Հայկ Բեգլարյանը պնդել է, թե Հովսեփյանը տուժող Մրտումյանի հետ չի շփվել, սպառնալիքներ չի հնչեցրել, չի հարվածել: Այսօր նա դատարանում ևս պնդեց, թե Մկրտումյանի նկատմամբ բռնություն չի եղել:
Հիշեցնենք, որ Բարսեղ Բեգլարյանին մեղադրանք է առաջադրվել այն բանի համար, որ նա 2016թ. մարտ-ապրիլ ամիսների ընթացքում Արման Մկրտումյանի նկատմամբ բռնություն գործադրելով, ինչպես նաև կյանքի և առողջության համար վտանգավոր բռնություն գործադրելու սպառնալիքներով կատարել է ինքնիրավչություն` վերջինիս օրինական շահերին պատճառելով էական վնաս: Փաստական տվյալների համաձայն՝ Ն. Բեգլարյանին պատկանող «Ֆլեշ մոթորս» ՍՊ ընկերությունից 2015թ. ընթացքում իրականացվել է առանձնապես խոշոր չափերի գույքի հափշտակություն, որի կատարման մեջ ընկերության սեփականատերն ու հարազատները մեղադրել են «Ֆլեշ մոթորս» ՍՊ ընկերության նախկին կոմերցիոն տնօրենին և պահանջել վերականգնել ենթադրաբար պատճառված գույքային վնաս:
Մանրամասները՝ տեսանյութում:
Լիլիթ Շաբոյան
