30.08.2026 | 23:44
Վաղարշապատում կինը դանակահարել է 43-ամյա տղամարդուն․ նա մահացել է. ՆԳՆ
Բարսեղ Բեգլարյանի որդին հրաժարվեց ցուցմունք տալ. ՏԵՍԱՆՅՈՒԹ
Հասարակություն
03.03.2020 | 11:11
«Ֆլեշ» ընկերության սեփականատեր Բարսեղ Բեգլարյանի գործով այսօր հարցաքննվեց նրա որդիներից Նարեկ Բեգլարյանը: Նա ասաց, որ հրաժարվում է հարցերի պատասխանել ու ցուցմունք տալ:
Կրտսեր Բեգլարյանի խոսքով՝ այդ օրը որևէ արտառոց բան չի եղել: Դատախազը միջնորդեց հրապարակել նրա նախաքննական ցուցմունքը: Ինչն էլ դատավորը արեց:
Հաջորդը կհարցաքննվի նրա եղբայրը՝ Հայկ Բեգլարյանը:
Հիշեցնենք, որ Բարսեղ Բեգլարյանին մեղադրանք է առաջադրվել այն բանի համար, որ նա 2016թ. մարտ-ապրիլ ամիսների ընթացքում Արման Մկրտումյանի նկատմամբ բռնություն գործադրելով, ինչպես նաև կյանքի և առողջության համար վտանգավոր բռնություն գործադրելու սպառնալիքներով կատարել է ինքնիրավչություն` վերջինիս օրինական շահերին պատճառելով էական վնաս:
Փաստական տվյալների համաձայն՝ Ն. Բեգլարյանին պատկանող «Ֆլեշ Մոթորս» ՍՊ ընկերությունից 2015թ. ընթացքում իրականացվել է առանձնապես խոշոր չափերի գույքի հափշտակություն, որի կատարման մեջ ընկերության սեփականատերն ու հարազատները մեղադրել են «Ֆլեշ Մոթորս» ՍՊ ընկերության նախկին կոմերցիոն տնօրենին և պահանջել վերականգնել ենթադրաբար պատճառված գույքային վնասը:
Մանրամասները՝ տեսանյութում:
Լիլիթ Շաբոյան
