15.07.2026 | 19:15
Սամվել Կարապետյանը չունի իշխանափոխության գաղտնի պլան․ դա ՌԴ-ի իշխանության գաղտնի պլանն է․ Գագիկ Սաֆարյան․ ՏԵՍԱՆՅՈՒԹ
Ինչու «Այո»-ի ակտիվ քարոզչության փուլն այսօր չմեկնարկեց
Քաղաքականություն
02.03.2020 | 18:55
Չնայած, որ Սահմանադրական փոփոխությունների հանրաքվեի «Այո»-ի շտաբի ղեկավար, ՔՊԿ վարչության նախագահ Սուրեն Պապիկյանը փետրվարի 26-ին հրավիրված մամուլի ասուլիսի ժամանակ հայտարարել էր, որ ակտիվ քարոզչությունը մեկնարկելու է մարտի 2-ից և տևելու է մինչև ապրիլի 3-ը, «Այո»-ի ակտիվ քարոզչության մեկնարկն այսօր չտրվեց։
«Քաղաքացիական պայմանագիր» կուսակցության հանրային կապերի պատասխանատու Վահագն Ալեքսանյանից Factor.am-ը հետաքրքրվեց, թե ինչ պատճառով այսօր չի մեկնարկում քարոզարշավի ակտիվ փուլը, արդյոք Հայաստանում գրանցված կորոնավիրուսի դեպքը կապ ունի՞ դրա հետ:
«Այսօր դեռ շտաբների նախապատրաստական փուլում ենք: Քարոզչանյութերն ենք ստանում տպագրատներից, բաժանում Երևանի և մարզերի շտաբների միջև: Այո, պետք է այսօր սկսած լինեինք, բայց ուշանում ենք քարոզչանյութերի մասով, մի քանի ժամ է՝ ինչ ստացել ենք: Առանց քարոզչանյութերի քարոզարշավ իրականացնել հնարավոր չէ: Մարզերում և Երևանի վարչական շրջաններում սկսվելիք քարոզարշավը իրենից ենթադրելու էր քայլելով մարդկանց հետ զրուցել, լսել նրանց, բացատրել, բուկլետ բաժանել: Այսինքն ոչ մի այնպիսի բան, որը կապված է մեծ, մասսայական միջոցառումների հետ»,- ասաց նա:
Հիշեցնենք, որ ՔՊ-ն քարոզարշավը նախատեսում էր սկսել Սյունիքի մարզի Մեղրի քաղաքից:
Նարեկ Կիրակոսյան
