27.08.2026 | 19:44
COP17-ի ընթացքում Երևանի քոլեջները երկու շաբաթ առկա դասեր չեն անցկացնի
ԿԳՄՍ նախարարի նախկին տեղակալը կալանքի տակ կմնա. դատարանը մերժել է բողոքը
Հասարակություն
02.03.2020 | 17:44
ՀՀ կրթության, գիտության, մշակույթի և սպորտի նախկին փոխնախարար Գևորգ Լոռեցյանը կշարունակի մնալ կալանքի տակ։ Վերաքննիչ քրեական դատարանը, դատավոր Մհեր Արղամանյանի նախագահությամբ, մերժել է նրա կալանքի ժամկետը երկարաձգելու մասին որոշման դեմ պաշտպանի բողոքը։ Լուրը Factor.am-ի հետ զրույցում հաստատեց նրա պաշտպան Լևոն Սահակյանը։
Հիշեցնենք, որ 2019թ. դեկտեմբերի 5-ին կաշառք ստանալու կասկածանքով Գևորգ Լոռեցյանը, նրա վարորդն ու ֆուտբոլային ակումբներից մեկի նախագահը ձերբակալվել էին, ավելի ուշ՝ կալանավորվել։
Ձեռք բերված նախնական տվյալների համաձայն՝ ՀՀ ԿԳՄՍ նախարարի տեղակալը, նախարարության ենթակա հիմնարկների կարիքների համար մարզագույքի և մարզահագուստի ձեռքբերման նպատակով հայտարարված մրցույթներում աջակցություն ցուցաբերելով վերոնշյալ տնտեսվարողին, դրա դիմաց վարորդի օժանդակությամբ պայմանավորվածություն է ձեռք բերել՝ ստանալ առանձնապես խոշոր չափերով կաշառք գումար:
