17.09.2026 | 23:38
Սամվել Կարապետյանի տնային կալանքը երկարաձգվել է
Սպասում ենք կորոնավիրուսի 9 թեստի պատասխանի, հույս ունենք՝ չի հաստատվի. վարչապետ. ՏԵՍԱՆՅՈՒԹ
02.03.2020 | 13:33
Երեկվանից իրադրության բացասական փոփոխություն չունենք, կորոնավիրուսով հիվանդացության նոր դեպք չունենք: Կորոնավիրուսի տարածումը կանխարգելող աշխատանքային խմբի նիստի ավարտին այս մասին ասաց ՀՀ վարչապետ Նիկոլ Փաշինյանը։
«Այս ընթացքում մի քանի կասկածելի դեպքեր ախտորոշվել են և պատասխանը բացասական է։ Այս պահի դրությամբ սպասում ենք 9 թեստերի պատասխաններին, լինելուն պես հանրությանը կտեղեկացնենք: Հույս ունենք, որ չեն հաստատվի, բայց եթե, Աստված մի արասցե, հաստատվեն, մենք դրա մասին կտեղեկացնենք»,- ասաց վարչապետը:
Նա, միաժամանակ, նշեց, որ եթե նույնիսկ թեստերի պատասխանները դրական լինեն, որևէ խուճապի առիթ պետք է չլինի:
«Էլի արձանագրենք, որ սա հաղթահարելի հիվանդություն է», – ասաց վարչապետը:
Մանրամասները՝ տեսանյութում:
