ՊՆ-ն թմրեցնում է հասարակության ուշադրությունը․ Էդգար Խաչատրյան

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Պաշտպանության փոխնախարար Գաբրիել Բալայանը, օրերս խոսելով բանակում արձանագրված ոչ մարտական պայմաններում մահվան դեպքերից, ասել էր, թե իրավապաշտպանները քայքայիչ գործունեություն են ծավալում․ «Իմ պատկերացմամբ՝ նրանցից մի քանիսի մոտ հրճվանք է առաջացնում ամեն ողբերգական դեպք։ Ես կարծում եմ՝ շուտով իրավապահ մարմինները կսկսեն զբաղվել այդ դեպքերով, որովհետև վիշտ ունեցող մարդու վիշտը նորից փորձում են խորացնել, տարբեր պատմություններ հորինել»։

«Խաղաղության երկխոսություն» ՀԿ-ի նախագահ Էդգար Խաչատրյանի կարծիքով՝ այս հայտարարության միջոցով անվստահություն է սերմանվում իրավապաշտպանների նկատմամբ․ «Այս նույն գործիքը օգտագործել են նախկին իշխանությունները, որոնք, իբր թե, թույլ են տալիս՝ քաղհասարակությունը բարձրացնի խնդիրներ, բայց իշխանությունները հասարակության մոտ ձևավորել էին մի մթնոլորտ՝ թե սրանք ովքեր են, պատվեր կատարողներ են իրենց շեֆերին հաճոյանալու համար, իբր, ցավոտ հարցերից են խոսում, և շահագրգիռ չեն, որ խնդիրները լուծվեն, ցավոք սրտի, հասարակության մի մասը այդ խայծը կուլ էր տալիս։ Ստացվում է՝ խոսելու ենք խնդիրներից, բայց ոչ ոք լուրջ չի նայելու։ ՊՆ-ն թմրեցնում է հասարակության ուշադրությունը։ Սա մեզ լռեցնելու և ցավոտ հարցերի բարձրացնելը կանխելու միջոց է։ Սա պետք է ուսումնասիրվի։ Սա հակասում է հեղափոխական արժեքներին, ինչի համար դուրս ենք եկել փողոցներ, և ես ուզում եմ հայտարարել՝ պարո՛ն Փաշինյան, հակահեղափոխականները նստած են կառավարությունում»։

Էդգար Խաչատրյանն ասում է, որ իրավապաշտպաններին են հաճախ ներկայացնում հակահեղափոխական, իբր թե չեն աջակցում կառավարությանը և բարձրացնում են հնարված խնդիրներ, գույները իբր խտացնում են․ «Երբ բանակում դրության քրեական ենթամշակույթի վրա է դրվում պատասխանատվությունը, նշանակում է՝ չկա պատասխանատու։ Փոխարենը պետք է դրվի պատասխանատվությունը կոնկրետ մարդկանց վրա, որոնք պատասխանատու են քրեական ենթամշակույթի՝ բանակ ներթափանցման վրա։ Հենց այդ հրամանատարական անձնակազմը շատ լավ օգտվում է այդ քրեական ենթամշակույթից, որ կարողանան կարգուկանոն հաստատել, որպեսզի կարողանա իրենց մտածած հարաբերությունները կարգավորել զորամասերում։ Կամ երբ խոսում ենք սպայի արժանապատվության մասին, ասում են՝ երբ խոսում եք խնդիրներից, ատելություն եք սերմանում սպայի նկատմամբ կամ նվաստացնում եք նրա պատիվը, բայց սպայի պատվի առաջին պահողը հենց սպան է։ Եթե ես ականատես եմ եղել, երբ սպան խոշտանգում է զինծառայողին, ինձ արդեն հետաքրքիր չէ՝ դա սպա էր, թե նախարարության ներկայացուցիչ։ Սպայի պատվի վրա շեշտադրում դնելը, որոշակի աուդիտորիայի վրա ազդելու միտում ունի»։

Էդգար Խաչատրյանի ձևակերպմամբ՝ խնդիրն այն է, որ մեզանում շարունակվում են հին իշխանությունների օգտագործած ավանդույթները՝ անվտանգության ոլորտում, ուժային կառույցներում հիմնականում։

Ռոբերտ Անանյան