17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Տեսանյութը մոնտաժված է. ԱԱԾ տնօրենի պաշտոնակատարը ադրբեջանցու տարածած նյութի մասին. ՏԵՍԱՆՅՈՒԹ
Քաղաքականություն
28.02.2020 | 13:02
Տեսանյութը մոնտաժված է։ Ուսումնասիրություն ենք արել և պարզել, որ այդ տեսանյութը դեռևս երկու տարի առաջ է You Tube-ում հայտնվել և արդեն այլ անձի մեկնաբանությամբ։ Այդ մասին այսօր խորհրդարանում ասաց ԱԱԾ տնօրենի ժամանակավոր պաշտոնակատար Էդուարդ Մարտիրոսյանը։
Նա հավաստիացրեց, որ ԱԱԾ-ն անում է ամեն ինչ, որպեսզի չեզոքացնի այն սպառնալիքները, որոնք կան։
«Ցանկացած տեսանյութ մենք հիմա էլ կարող ենք տեղադրել և կողքից, իբր ադրբեջանցի է զրույց ունենում, այդպես, մեկնաբանենք, այսինքն՝ դա սարքած, մոնտաժված և իրականությանը չհամապատասխանող տեսանյութ է։ Բայց դրա վերաբերյալ մենք մեր եզրակացությունը կտանք»,-շեշտեց Մարտիրոսյանն՝ անդրադառնալով ադրբեջանցի գործակալների հետ կապված դեպքին։
Պաշտոնյան նշեց, որ համակարգում կադրային փոփոխություններ եղել են և կլինեն, բայց կադրային ջարդ չի եղել, որովհետև «ԱԱԾ-ն այն կառույցն է, որտեղ չի կարելի կադրային ջարդ իրականացնել, քանի որ այն համալրված է պրոֆեսիոնալներով, և մարդիկ պատասխանատվության բարձր զգացումով կատարում են իրենց աշխատանքը»։
Խոսելով Դիանա Հարությունյան կեղծ օգտատիրոջ մասին՝ Մարտիրոսյանը նշեց, որ քրեական գործ է հարուցված․ «Պետք չէ միայն կենտրոնանալ այդ օգտատիրոջ վրա, վերջերս մենք լուսաբանել ենք, որ քրեական գործ է հարուցվել մյուս կեղծ էջերի նկատմամբ և նախաքննությունը շարունակվում է»,- ասաց նա ու հավելեց, որ այն կեղծ օգտատերերը, որոնք ազգային անվտանգության համար սպառնալիք կհանդիսանան՝ կբացահայտվեն և կենթարկվեն պատասխանատվության։
Մանրամասները՝ տեսանյութում:
Մերի Մարտիրոսյան
