Մի լոգոյի պատմություն. իմքայլականների արձագանքը՝ «Այո»-ի լոգոյի գողությանը. ՏԵՍԱՆՅՈՒԹ

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Երեկ ամբողջ օրը հանրության ուշադրության կենտրոնում հայտնված լոգոյի գողության պատմությունը վերջապես  հանգուցալուծում ստացավ։ Հետաքրքիր է, որ հեղափոխական իշխանություններն այս, կարելի է ասել, «տհաճ» պատմության մեջ կարողացան դրական կողմեր գտնել ու լոգոների նմանությունը խորհրդանշական զուգադիպություն ներկայացնել։

Պարզվեց՝ հայտնի լոգոն 1991 թվականին հեղինակել է գծանկարիչ Ստեփան Նարոյանը՝ «Երեկոյան Երևան» թերթի համար։ Այն խորհրդանշել է Անկախության հանրաքվեի «Այո»-ն։ Ուշ երեկոյան թեման պարզաբանեց Սահմանադրական հանրաքվեի «Այո»-ի շտաբի ղեկավար Սուրեն Պապիկյանը։

«Այն 3 մլն դրամը, որը նախատեսված էր առաջին տեղի մրցանակի համար, մենք պիտի բաշխենք 3 անձի միջև․ այն է՝ «Երեկոյան Երևան» թերթի 1991թ․ խմբագիր Նիկոլայ Ենգիբարյանի, գծանկարիչներ Ցոլակ Կանթեղ Ղարիբյանի և Նարոյան Ստեփանի իրավահաջորդի»,- ասաց ՔՊ «Այո»-ի շտաբի ղեկավար Սուրեն Պապիկյանը։

Պապիկյանը նկատեց․ լոգոների համընկնումը հետաքրքիր զուգադիպություն է։

Ավելի ուշ՝  հայտարարություն տարածեց  նաև «Գարուն Էյջնսի» կազմակերպությունը, որը հաղթել էր լոգոյի մրցույթում․

«Պաշտոնապես հայտարարում ենք, որ մենք, իհարկե, տեղյակ ենք եղել պաստառի գոյությանը։ Պարզաբանում ենք, որ 1991 թվականի «Երեկոյան Երևան» թերթում տեղ գտած նկարազարդման/poster գաղափարը հանդիսացել է ոգեշնչման աղբյուր։ «Գարուն»- ը տեղին է համարել օգտագործել պաստառի տառատեսակը, և մշակելով այն, վերածել է «Այո՛» արշավի լոգոտիպի։ «Գարուն»- ը որևէ մեկի հեղինակային իրավունքը չի՛ խախտել։ Հարգելով Նորայր Ենգիբարյանի, Ցոլակ Կանթեղ Ղարիբյանի, Ստեփան Նորոյանի աշխատանքը՝ մենք միանում ենք «Այո՛» շտաբի որոշմանը»։

Իմքայլական պատգամավոր Հայկ Կոնջորյանն այս պատմության մեջ հետաքրիր զուգադիպություն է նկատում․ «Հնարավոր չէր կանխատեսել, որ դա պիտի 91 թվականի լոգոյին այդքան նմանություն ունենար։ Ամեն դեպքում դրա մեջ ինչ-որ հետաքրքիր, խորհրդանշական և, կարծում եմ, շատ հաճելի սիմվոլիկա կա»։

Նույն կարծիքին է նաև իմքայլական Քրիստինե Պողոսյանը․ «Կարծում եմ՝ ՀՀ միակ արդար հանրաքվեն է եղել, որ անցկացվել է և, երևի «պատահականությունները պատահականություն չեն» սկզբունքով է արվել»։

«Իմ քայլ»-ից Անուշ Բեղլոյանն էլ կարծում է, որ 90-ականներից եկած լոգոն մարդկանց կհիշեցնի Սսվետական բռնապետությունից ազատվելու պայքարի մասին․ «Դա ցույց է տալիս, որ  ընտրությունը ճիշտ էր, որ պատկերը ընտրվել էր այնպիսին, որը մարդկանց կդրդի դեպի գործողություն, դեպի իրենց քաղաքացիական ազատությունների վերականգնում»։

Իշխանական մեկ այլ պատգամավոր Հրաչյա Հակոբյանն էլ, որը երեկ նշում էր, թե հնարավոր է՝ լոգոյի «սովետական» տարբերակը ֆոտոշոփով արված լինի, ասում է․ «Գրագողությունը դատապարտելի բան է և կարծում եմ՝ շատ արդարացի, ճիշտ որոշում կայացրեց մեր կուսակցության վարչությունը։ Պատմությունն ինքնին բավականին հետաքրքիր է, երբ կողքի աչքով նայում ես։ Ուղղակի սիմվոլիկ ինչ-որ պատմություն էր, որը շատ գեղեցիկ պատմություն է»։

Մանրամասները՝ տեսանյութում։

Նելլի Մելքոնյան