09.10.2026 | 14:33
Վաղվանից ուժի մեջ կմտնեն Հայաստանի համար ԵՄ առևտրային արտոնությունները
ԲԴԽ-ն Արայիկ Մելքումյանին ընդգրկեց դատավորների ռեզերվ․ նրա հայցը մասնակի բավարարվեց
Հասարակություն
27.02.2020 | 15:44
Բարձրագույն դատական խորհուրդն այսօր հրապարակեց դատավոր Արայիկ Մելքումյանին կարգապահական պատասխանատվության ենթարկելու դեմ բերված դիմումի առնչությամբ որոշումը:
«ԲԴԽ-ն որոշեց բերված դիմումը բավարարել մասնակի՝ Երևան քաղաքի առաջին իրավասության դատարանի դատավոր Արայիկ Մելքումյանին կարգապահական պատասխանատվության ենթարկելու հարցի վերաբերյալ որոշումը վերացնել։ Արայիկ Մելքումյանին ընդգրկել դատավորների ռեզերվում»,- հայտարարեց ԲԴԽ ղեկավար Ռուբեն Վարդազարյանը։
Սակայն դատավորի հարկադիր պարապուրդում գտնվելու ընթացքում նրա պահանջած աշխատավարձի վերադարձը ԲԴԽ-ն մերժեց։
Հիշեցնենք, որ 2019 թվականի փետրվարին Երևանի ընդհանուր իրավասության դատարանի դատավոր Արայիկ Մելքումյանի լիազորությունները Բարձրագույն դատական խորհուրդը դադարեցրել էր: Մելքումյանը ԲԴԽ-ի որոշման սահմանադրականության հարցով դիմել էր Սահմանադրական դատարան, որն էլ ԲԴԽ որոշումը ճանաչել է հակասահմանադրական:
Լիլիթ Շաբոյան
