20.01.2026 | 20:48
Իմպերիալիստական հավակնությունները վերածնվում են. Մակրոնը քննադատել է Թրամփի՝ «կանոններից զուրկ աշխարհը»
Սերժ Սարգսյանի նկատմամբ ընտրված խափանման միջոցը չի վերացվի
Հասարակություն
26.02.2020 | 19:52
Սերժ Սարգսյանի նկատմամբ որպես խափանման միջոց ընտրված երկրից չհեռանալու մասին ստորագրությունը չի վերացվի: Տեղեկությունը Factor.am-ի հետ զրույցում հաստատեց ՀՀ գլխավոր դատախազի խորհրդական Գոռ Աբրահամյանը:
Երևան քաղաքի ընդհանուր իրավասության դատարանն այսօր մերժել է ՀՀ երրորդ նախագահ Սերժ Սարգսյանի պաշտպանների՝ ՀՀ 3-րդ նախագահի նկատմամբ կիրառված ստորագրությունը չհեռանալու մասին խափանման միջոցը վերացնելու բողոքը:
Հիշեցնենք, որ երեկ՝ փետրվարի 25-ին կայացավ ՀՀ երրորդ նախագահ Սերժ Սարգսյանի և մյուսների գործով առաջին դատական նիստը։ Սերժ Սարգսյանը մեղադրվում է մոտ կես միլիարդ դրամ գումարի հափշտակության կատարումը կազմակերպելու համար։ Դատարանի բակում նախկին նախագահին սատարելու էին եկել նրա ընկերները, նախկին հանրապետականներ ու բարձրաստիճան պաշտոնյաներ։
