28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Խմբակցությունում ճնշում չի եղել, եղել են բանավեճեր՝ հանրաքվեի որոշումից առաջ. Արմեն Խաչատրյան. ՏԵՍԱՆՅՈՒԹ
Քաղաքականություն
26.02.2020 | 19:21
Քաղաքացին պետք է ԱՅՈ ասի հանրաքվեին, որովհետև ստեղծված իրավիճակից դուրս գալու համար դա անհրաժեշտ է: Factor.am-ի հետ զրույցում այս տեսակետը հայտնեց ԱԺ «Իմ քայլը» խմբակցության պատգամավոր Արմեն Խաչատրյանը:
Պատգամավորը վստահեցրեց՝ հանրաքվեն մեկ մարդու համար չի արվում, այլ ինստիտուցիոնալ հարց է դրանով լուծվում: Եվ եթե Սահմանադրական դատարանի նախագահը չլիներ Հրայր Թովմասյանն, այլ մեկ ուրիշ անձ, միևնույն է՝ այս կարգավորումները պետք է տրվեին:
Հարցին, թե արդյոք հանրաքվեի որոշումից առաջ խմբակցությունում ճնշում եղել է պատգամավորների համար, ինչի մասին երեկ դրամահավաք-երեկոյի ժամանակ ելույթում ասաց խմբակցության ղեկավար Լիլիթ Մակունցը, Արմեն Խաչատրյանը նշեց, որ ճնշում չի եղել, այլ եղել են բանավեճեր, քննարկումներ:
Պատգամավորը կարծում է նաև, որ հանրաքվեն պետք է պատմության մեջ մտնի որպես ժողովրդավարական լուրջ քայլ:
Մանրամասները՝ տեսանյութում:
Մերի Մարտիրոսյան
