17.11.2024 | 23:16
Բայդենը թույլատրել է Ուկրաինային օգտագործել ԱՄՆ-ից մատակարարված հեռահար հրթիռները․ AP
Սերժ Սարգսյանի փեսան դատարանի բակում է. ՏԵՍԱՆՅՈՒԹ
Հասարակություն
25.02.2020 | 17:23
Այսօր Երևանի ընդհանուր իրավասության դատարանում դատավոր Վահե Միսակյանի նախագահությամբ նշանակված է «դիզվառելիքի գործով» Սերժ Սարգսյանի դատավարության առաջին նիստը: Գործով մեղադրյալներ են նաև նախկին գյուղնախարար Սերգո Կարապետյանն ու Սերժ Սարգսյանի մտերիմ, գործարար, «Ֆլեշ» ընկերության սեփականատեր Բարսեղ Բեգլարյանը, ինչպես նաև գյուղնախարարության նախկին պաշտոնյա Գևորգ Հարությունյանը։
Հիշեցնենք, որ 2019-ի դեկտեմբերի սկզբին Հայաստանի երրորդ նախագահ Սերժ Սարգսյանին ՀՔԾ-ի կողմից մեղադրանք առաջադրվեց գյուղացիներին մատչելի գներով դիզվառելիքի մատակարարման պետական ծրագրով մոտ կես միլիարդ դրամ գումարի հափշտակության կատարումը կազմակերպելու համար: Ըստ առաջադրված մեղադրանքի՝ 2013-ին գյուղացիներին մատչելի դիզվառելիքի մատակարարման ծրագրով, որով նախատեսվել է հողօգտագործողներին վաճառել ավելի քան 17 միլիոն լիտր դիզելային վառելիք, ամենաէժան գնային առաջարկը ներկայացրել է «Մաքսհուր» ընկերությունը, սակայն Սերժ Սարգսյանի հրահանգով պայմանագիրը կնքվել է ավելի բարձր գին առաջարկած «Ֆլեշ» ընկերության հետ, որին պետական միջոցներից վճարվել է 1.8 մլրդ դրամ: Սերժ Սարգսյանը, ինչպես նաև գործով անցնող մյուս անձինք չեն ընդունում իրենց առաջադրված մեղադրանքը։
Մինչ դատավարության մեկնարկը՝ դատարանի բակում հավաքվել են Սերժ Սարգսյանի աջակիցները, որոնք այս գործընթացը որակում են քաղաքական ճնշում: Դատարանի բակ եկած քաղաքացիների թվում էր նաև Սերժ Սարգսյանի դստեր ամուսինը՝ Հայկ Խաչատրյանը: Factor.am-ը փորձեց հասկանալ, թե ինչ նպատակով է եկել ակցիային։ Նա, սակայն, հրաժարվեց որևէ հարցի պատասխանել:
Մանրամասները՝ տեսանյութում:
