27.10.2026 | 00:08
Վարդան Մինասյանն աշխատանքի է անցել Լիբանանում
Սերժ Սարգսյանից չեմ հավատում նման բան, նա իմ ընկերն է. Արա Բաբլոյան. ՏԵՍԱՆՅՈՒԹ
Քաղաքականություն
25.02.2020 | 15:21
ԱԺ նախկին նախագահ Արա Բաբլոյանը ՀՀ երրորդ նախագահ Սերժ Սարգսյանի գործով դատական նիստից արդարություն է ակնկալում: Այս մասին նա ասաց դատարանի բակում լրագրողների հետ զրույցում։
«Ես կարծում եմ, որ Սերժ Սարգսյանը չի կարող պատասխանատվություն կրել, քանի որ նման արարք նա իրեն չէր կարող թույլ տալ։ Ես շատ լավ ճանաչում եմ Սերժ Սարգսյանին։ Եթե կա թերություն նման մրցույթում, ապա նրանք, ովքեր պատասխանատու են մրցույթի անցկացման համար, նրանք էլ պետք է պատասխան տան»,- ասաց Արա Բաբոլյանը։
Լրագրողի դիտարկմանը, թե ըստ ՀՔԾ հաղորդագրության՝ Սերժ Սարգսյանի հրահանգով է ընկերության փոփոխություն տեղի ունեցել, Բաբլոյանն արձագանքեց. «Դուք ասացիք՝ ՀՔԾ-ն է ասում, ես էլ Ձեզ կարող եմ ասել, որ ՀՔԾ-ն ասում է, թե Բաբլոյանը հանցագործություն է թույլ տվել Հրայր Թովմասյանի ընտրության հարցում, ինչը բացառապես որևէ հիմք չունի։ Եթե ես վստահ չլինեմ, որ արդարություն գոյություն ունի, ես ձեզ մի օր կհրավիրեմ, կծանոթացնեմ 5 հատորի հետ, կտեսնեք, որ նույնիսկ մի բառ չկա ասելու համար, որ Բաբլոյանը սա սխալ է արել և կարելի է նրան մեղադրել»,- ասաց Արա Բաբլոյանը։
Քանի որ Սերժ Սարգսյանի գործին լավ ծանոթ չէ, Բաբլոյանն ասաց՝ չի կարող ասել, թե որ մասն է շինծու, որը՝ ոչ. «Բայց այն մասը, որ Սերժ Սարգսյանին ներգրավվել են այս գործի մեջ, ես գտնում եմ, որ այո՛, քաղաքական ենթատեքստ ունի»։
Մանրամասները՝ տեսանյութում։
