08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
7 դատավորի հարցը լսելու են 9 դատավորներ․ առերևույթ խնդիր տեսնում եմ․ Ռուստամ Բադասյան. ՏԵՍԱՆՅՈՒԹ
Քաղաքականություն
25.02.2020 | 12:10
ԱԺ «Բարգավաճ Հայաստան» խմբակցության պատգամավոր Սերգեյ Բագրատյանն այսօր Դատական օրենսգրքում փոփոխություններին նվիրված խորհրդարանական լսումների ժամանակ արդարադատության նախարար Ռուստամ Բադասյանին փոխանցեց, իր խոսքով, հանրային լայն շրջանակներում քննարկվող մի հարցը. որտե՞ղ և ինչպե՞ս պետք է բողոքարկել ապրիլի 5-ի հանրաքվեի արդյունքները: «Պարզ է, որ ՍԴ-ն իրեն վերաբերող հարցի քննությունը չպետք է որ իրականացնի»,- հավելեց պատգամավորը:
Նախարարը նախ հիշեցրեց, որ ՍԴ կարող են դիմել խորհրդարանական խմբակցությունները, եթե արդյունքի հետ կապված խնդիրներ են տեսնում:
«Ինչ վերաբերում է երկրորդ հարցին, որ ինքնաբացարկի կամ մասնակցության անհնարինության հարցն եք բարձրաձայնում, դա արդեն, եթե դիմումը կլինի, ներքին հարց է, թե ինքնաբացարկ անհրաժեշտ է ներկայացնել, թե անհրաժեշտ չէ ներկայացնել: Բավական բարդ հարց եք տալիս, որի պատասխանը միանշանակ չի»,- ասաց Ռուստամ Բադասյանը:
Բագրատյանն արձագանքեց՝ շահերի բախում չի՞ տեսնում, քանի որ, փաստորեն, 7 դատավորի հարցը լսելու են 9 դատավորներ, որոնցից 7-ը ներառված են հենց այդ ցանկում:
«Առերևույթ խնդիր տեսնում եմ»,- պատասխանեց նախարարը:
Մանրամասները՝ տեսանյութում:
