Հասարակություն
25.02.2020 | 11:06
ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանի հասցեին սպառնալիքներ հնչեցնելու փաստով քրեական գործ է հարուցվել՝ ՀՀ քրեական օրենսգրքի 137-րդ հոդվածի 1-ին մասի հատկանիշներով, այն է՝ սպանության, առողջությանը ծանր վնաս պատճառելու կամ խոշոր չափի գույք ոչնչացնելու սպառնալիքը, եթե այդ սպառնալիքն իրականացնելու վտանգ է եղել։ Այս մասին Factor.am-ին տեղեկացրեցին ՀՀ գլխավոր դատախազության մամուլի ծառայությունից։
Հիշեցնենք, որ փետրվարի 11-ին խորհրդարանում հրավիրված ասուլիսին Էդմոն Մարուքյանը հայտարարել էր իր հասցեին սպառնալիքներ հնչեցնելու մասին։
Ավելի ուշ ԼՀԿ ղեկավարը Ոստիկանություն էր հրավիրվել: «Ինձ հրավիրել էին Ոստիկանություն, ես այնտեղ համապատասխան բացատրություն եմ տվել, հաղորդումն արձանագրվել է»,- հայտնել էր Էդմոն Մարուքյանը։
