30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Լևոն Երանոսյանի գործով հետազոտվում են տեսանյութերը. ներկա է նաև Ալեն Սիմոնյանը
Հասարակություն
24.02.2020 | 14:31
Երևանի ընդհանուր իրավասության դատարանում Դավիթ Հարությունյանի նախագահությամբ ընթանում է նախկին փոխոստիկանապետ Լևոն Երանոսյանի գործով դատական նիստը։ Այսօրվա նիստում դատարանում հետազոտվում են գործի նյութերում առկա տեսանյութերը:
Առաջինը հետազոտվեցին Բաղրամյան պողոտայում նկարահանված կադրերը, որտեղ երևում է, թե ինչպես են ոստիկանները լուսաձայնային նռնակներ կիրառում ցուցարարների նկատմամբ:
Դատարանում է նաև ԱԺ փոխխոսնակ Ալեն Սիմոնյանը: Նա այս գործով տուժող է ճանաչվել:
Լևոն Երանոսյանը, հիշեցնենք, մեղադրվում է ՀՀ քրեական օրենսգրքի 309-րդ հոդվածի 2-րդ մասի 3-րդ կետով: Ըստ նախաքննական մարմնի` 2018 թ. ապրիլին հատուկ միջոցների գործադրմամբ դիտավորությամբ նա կատարել է այնպիսի գործողություններ, որոնք ակնհայտորեն դուրս են եկել իր լիազորությունների շրջանակից և էական վնաս պատճառել քաղաքացիների իրավունքներին ու օրինական շահերին, ինչպես նաև անզգուշությամբ առաջացրել են ծանր հետևանքներ։
Լիլիթ Շաբոյան
