23.02.2026 | 13:03
Հայտնի են BAFTA 2026-ի հաղթողները. «Պարոն Ոչ ոքն ընդդեմ Պուտինի» ֆիլմը` լավագույն վավերագրական ֆիլմ
Կաշառք ստանալու համար մեղադրվող Արսեն Դավթյանի գործով նիստը հետաձգվեց
Հասարակություն
21.02.2020 | 15:58
Կաշառք ստանալու համար մեղադրվող առողջապահության նախկին փոխնախարար Արսեն Դավթյանի գործով դատական նիստին ավարտվեց գրավոր ապացույցների հետազոտման փուլը և սկսեցին հարցաքննել վկաներին:
Նախկին պաշտոնյայի պաշտպանները որոշեցին դատարանում նոր կարգ սահմանել լրագրողների աշխատանքի համար: Պաշտպանները դատարանին միջնորդում էին, որ դռնբաց դատական նիստին լրագրողներին արգելվի ոչ միայն տեսանկարահանելը, այլև ձայնագրառում կատարելը, ասելով, թե անհրաժեշտության դեպքում կարող ենք կրիչները վերցնել դատարանից: Սա այն դեպքում, երբ դատարանը դա կարող է տրամադրել միայն կողմերին, իսկ լրատվամիջոցները դատավարության կողմ հանդիսանալ չեն կարող:
Ինչևէ, դատարանը որոշեց թույլատրել ձայնագրել դատական նիստի ընթացքը: Նիստին հարցաքննվեց վկաներից մեկը, մյուս երկուսը չէին ներկայացել, որի պատճառով դատական նիստը հետաձգվեց:
Լիլիթ Շաբոյան
