12.06.2026 | 21:04
Պուտինը նշել է Ուկրաինայի պատերազմին մասնակցող ռուսական զորքերի թիվը
Արմավիրի և Արթիկի ոստիկանները ապօրինի թմրաշրջանառության դեպք են բացահայտել. ՏԵՍԱՆՅՈՒԹ
Հասարակություն
21.02.2020 | 12:56
Փետրվարի 18-ին, ժամը 11-ի սահմաններում, ոստիկանության Արթիկի բաժնի ծառայողները, օպերատիվ տեղեկությունների հիման վրա հարուցված քրեական գործի շրջանակներում, խուզարկություն իրականացրին Շիրակի մարզի Մեծ Մանթաշ գյուղի 28-ամյա մի բնակչի տանն ու օժանդակ կառույցներում:
Ննջասենյակի խուզարկությամբ կանեփի սերմեր հայտնաբերվեցին, նկուղից` յուրահատուկ հոտով չորացված մանրացված կանեփանման զանգված, իրավապահները նման զանգվածներ հայտնաբերեցին նաև բակում` պատնեշի քարերի արանքից:
Ըստ 28-ամյա բնակչի` հայտնաբերվածը կանեփ է, քաղել է անցյալ տարի աշնանը իրենց տան հետնամասի ձորակից, պահել իր օգտագործման համար:
Նշանակվել է դատաքիմիական փորձաքննություն:
Փաստի առթիվ նախապատրաստվում են նյութեր:
Իսկ Ոստիկանության Արմավիրի բաժնի քրեական հետախույզները ապօրինի թմրամիջոց պահելու կասկածանքով բաժին բերման են ենթարկել Արմավիր քաղաքի բնակիչ, 41-ամյա մի տղամարդու։ Բերման ենթարկվածի անձնական խուզարկությամբ հայտնաբերվեց մարիխուանայի նմանվող զանգվածով կաթուցիչ՝ ընդհանուր մոտ 4 գրամ քաշով։ Տղամարդու հայտնածով՝ հայտնաբերվածը թմրամիջոց է։ Այն փաթեթավորվել և ուղարկվել է ոստիկանության փորձաքրեագիտական վարչություն։ Դեպքի առթիվ նյութեր են նախապատրաստվում։ Հանգամանքները պարզվում են։
