15.01.2026 | 22:37
ՀՀ տարածքում կան փակ ավտոճանապարհներ
Մրցույթի հաղթողը կեղծ է․ ապրանք արտադրողը գերի է դառնում միջնորդ կազմակերպությանը․ Սերգեյ Բագրատյան. ՏԵՍԱՆՅՈՒԹ
Տնտեսություն
21.02.2020 | 11:45
Արդյո՞ք եղած հնարավորությունները կամ օրենսդրությունը բավարարում են այն պահանջներին, որ նոր Հայաստանը դրել է իր առջև, հատկապես՝ տնտեսական հնարավորությունների զարգացման ընթացքի համար: Վստահեցնում եմ՝ չի բավարարում: «Պետական գնումների հիմնախնդիրները և դրանց լուծման ուղիները» թեմայով խորհրդարանական լսումների ժամանակ նման կարծիք հայտնեց ԱԺ «Բարգավաճ Հայաստան» խմբակցության պատգամավոր Սերգեյ Բագրատյանը:
«Միգուցե որոշ դրույթներ, որոնք նաև միջազգայնորեն ընդունված են և ընդամենը շաբլոնային բնույթ ունեն, բայց բուն բովանդակությունը, գնումների փիլիսոփայությունն ընդամենը ապահովված չեն»,- ասաց նա:
Սերգեյ Բագրատյանն անդրադարձավ նաև գնումների նպատակով կազմակերպվող մրցույթներին:
«Մրցույթի հաղթողը կեղծ է: Բոլորս գիտենք, որ մրցույթներում հաղթում է մի կազմակերպություն, հետո այդ կազմակերպությունը գնում, իսկական կազմակերպության հետ պայմանագիր է կնքում: Այդ մարդը, որ ապրանք արտադրողն է, ստիպված գերի է դառնում միջնորդ կազմակերպությանը, որը ոչ մի բան չունի՝ մի հատ անձնագիր ունի և մի ընկեր գնումների գործակալությունում կամ նախարարությունում»,- նշեց պատգամավորը:
Մանրամասները՝ տեսանյութում:
