15.01.2026 | 22:37
ՀՀ տարածքում կան փակ ավտոճանապարհներ
ՍԴ-ն եթե չփոխվի, կշարունակի ծառայել կոռումպացված նախկին իշխանությունների շահերին. Փաշինյան. ՏԵՍԱՆՅՈՒԹ
Քաղաքականություն
20.02.2020 | 22:30
Մինչև 2035 թվականը չենք ունենալու այնպիսի Սահմանադրական դատարան, ինչը նախատեսված է մեր Սահմանադրությամբ։ Սրա պատճառը նախորդ խորհրդարանական մեծամասնության և նախորդ իշխանության կողմից իրականացված սահմանադրական մանիպուլյացիաներն են, որոնց թագն ու պսակը դարձավ Հրայր Թովմասյանի ընտրությունը որպես ՍԴ անդամ և նախագահ։ Այս մասին Հանրային հեռուստաալիքին տված հարցազրույցում նշեց ՀՀ վարչապետ Նիկոլ Փաշինյանը։
«Իմ գնահատմամբ՝ Սահմանադրական դատարանը, եթե չփոխվի, կշարունակի ծառայել կոռումպացված իշխանության շահերին։ Երբ խոսում ենք սահմանադրական փոփոխությունների մասին, խոսում ենք գործող Սահմանադրության զարգացման մասին, իսկ գործող Սահմանադրությունը զարգացնել հնարավոր չէ, եթե այն դե ֆակտո չի մտել ուժի մեջ։ Կոպիտ ասած՝ մենք ուզում ենք այսօր եղած Սահմանադրությունն ուժի մեջ բերել և սահմանադրական իրականություն ունենալ։ Մենք ունենք սահմանադրական կարգավորումների հետևյալ խնդիրը․ գործող Սահմանադրության մեջ ասվում է, որ Ազգային ժողովը, սահմանադրական փոփոխություններն ընդունելուց առաջ, պետք է ուղարկի ՍԴ։ Եվ քանի որ մենք ունենք որոշակի ճգնաժամ, ինչպես նաև հայտնի սկզբունք է, որ ոչ մի դատավոր չի կարող մասնակցել իրեն վերաբերող գործի քննությանը, ապա այս տրամաբանությամբ չենք կարող ունենալ լուծում։ Հայաստանի գործող Սահմանադրության մեջ գրված է, որ եթե Ազգային ժողովը չի ընդունում Սահմանադրական փոփոխությունների փաթեթը, ուրեմն ձայների 3/5-ով այն կարող է դրվել հանրքավեի։ Այսինքն՝ իրավականության առումով մենք խնդիր չունենք»,- ասաց Փաշինյանը։
Մանրամասները՝ տեսանյութում։
